Eri b’anoj tzukunem pa le japache’ rech Puerto Barrios Izabal are wari’ xb’itaj kumal ri q’atb’altzij rech ajchajil tinamit xuquje’ rech ri Wokajil Japache’ chi’ k’ut k’o k’i jastaq xuquje’ pwaqil maj pa usaqil xraqataj ri’.
Xraqataj k’ut lajuj chi ch’a’wib’alil e yajb’im k’ot chik ri tarjeta SIM chi upam ri’, ruk’ wuqub’ k’olib’al ch’a’wib’al rech keqaxik, ruk’ jo’ob’ raqan ichaj rech marihuana are xraqataj pa le oxib’ sector kech achijab’ rech pa japache’ ri’.
Eri pwaq xraqataj kuk’ ri e ajpache’ kib’i’ Alexander Amilcar Yalibat Morales 35 ujunab’, a Kevin Marlon Ortega 25 ujunab’ xuquje’ a Jorge Adelio Cardona Zalazar 33 ujunab’.
Eri b’anoj tzukunik ri’ are xmajtaj pa nimaq’ab’ ri’ xk’is k’ut pa qajib’al q’ij eri xetzukun chi’ e are k’ut ri reqa’lenel ri Sub Dirección General rech Investigación Criminal, rech ri Comisaría 61, Izabal ri’, rech ri Comisaría 24 rech Zacapa, rech ri Comisaría 23 rech Chiquimula ri’, rech Comisaría 21 rech Jutiapa j ri’, rech ri Inspectoría General rech PNC, rech ri División rech Protección rech ri K’ache’laj DIPRONA xuquje’ rech ri Sub Dirección General rech Análisis rech Información Antinarcótica (SGAIA) ri’.