E reqa’lenel ri División rech Seguridad Turística (DISETUR), ri k’o pa El Remate, pa juyub’ tinamit rech Flores pa juyub’ tinamit rech Petén, chi’ xkoj wi’ uk’olib’alil tzukunem ya’olchajinik xaq k’a te’et ri’ are wa’ rech taqim kachajixik ri wa’katel winaq ri’ pa tinamit ri’.

Eri b’anow tzukunem kumal e ajchajil tinamit are k’o chupam ri k’amow ub’e ri Ya’olchajinik Winaqilal che ri pa pa komonb’alil katajin rumal ri Ministerio rech Gobernación xuquje’ are taqom che ub’anik ri’ ri inspector Eduardo Díaz Ortega, Taqanel rech ri K’olib’al Ya’olchajinik k’o pa El Remate, Petén, rumal ri’ Comisario rech ri Wokajil Ajchajil Tinamit (PNC), Erick Tórtola, Taqanel rech ri DISETUR pa amaq’ tinamit ri’.

Eri eqa’lenel rech DISETUR, Gerberth Estuardo España, kub’ij eri b’anow tzukunem ri’ ri xaq k’a te’et kab’an ri’ are rech uq’atexik b’anow k’ax ri’, eri jun chi ke ri’ are maj pa reqaxik k’aqb’alil, b’anow elaq’, rumal ri’ e k’o chik e chapom chi rij ri’.

Are wa’ rech uq’atexik b’anow k’ax chi ke awajil ruk’ ri k’ache’laj ri’

Xuquje’, e k’o pa ya’olchajinik ri ch’ich’ rech eqa’nib’al che ri kakesaj b’ik che’ xuquje’ awajil chi’ pa le nimalaj k’ache’laj petenera ri’ pa le nimab’e kab’e pa le parque nacional rech Tikal.

“Eri qajtanel rech ya’olchajinik ri’ xuquje’ k’o chajinik kakib’an pa taq le parque nacional Tikal, rech pa kub’sib’al k’u’x kakina’o ri wa’katel winaq chi’”, xcha’ ri España.