Rumal k’o utzalaj uchakum kumal reqa’lenel ri Subdirección General rech Análisis rech Información Antinarcótica (SGAIA) ri’ rech ri Wokajil Ajchajil Tinamit (PNC), pa le ub’anik Fase I ri’, xya’taj k’ut utzijolil ri tiko’nib’al awan kunb’alil pa kajib’ uq’ab’ tinamit rech San Marcos ri’, rumal ri’ pa qajib’al q’ij kamik eri Ministro rech Gobernación, David Napoleón Barrientos, kuk’ ri viceministros ri’ xuquje’ ri Wokajil Ajchajil Amaq’ Iximulew ri’, xkikub’isaj ub’ixik ri q’atenik b’anom chi ke ri narcotráfico ri’, are retalil ri’ ri 8, 667.350 chi raqan ichaj tiko’n rech amapola riqom ri’ pa 311 peraj taq juyub’ ri’, pa ronojel are 26,5581hectáreas upajb’alil peraj juyub’ ri’, eri rajil are Q. 216, 719, 375 chi pwaqil ri’.
Xuquje’ pa oxib’ chi peraj juyub’ ri’ xuquje’ ri 95 raqan ichaj tiko’n rech marihuana xq’atex uwach ri’, pa ronojel ri’ k’o 0.0290 hectáreas chi uperaj juyub’ ri’. Eri rajil are Q.35, 625.00 chi pwaqilem ri’.
Jeri’ eri Barrientos sib’aja xub’ij che ri tob’anik che ri wokoj chomanel rech ri ya’olchajinem pa taq ri uq’ab’ tinamit rech San Marcos ri’, are chi’ xemolin kuk’ ri k’amol ub’e winaqilal ri’ xuquje’ ri q’atb’al tzij chi’.
Xya’taj k’ut utzijol che e k’o chik b’elejeb’ chi winaqil e’aj iximulew e chapom chik e taqom chi b’i pa Estados Unidos rech Norteamérica, rumal e k’o pa narcotráfico ri’.
Pa le Barrio le Estación 4ta chi uwach ri nimaja 1- 41, zona 2 Estanzuela Zacapa ri’, rumal ri k’o nim pajb’al ri Cocaína xuk’ayij b’i chi la’ k’ut, rumal ri’ xchapataj b’i jun achi ub’i’ Cristian Omar Morales Villanueva, de 34 años, Alias “Cura” ri’, reta’m k’ut che are la’ k’o jun ri q’atb’al tzij chi rij ri’ rumal man k’ot pa usaqilal ri’ rech kuk’ayij b’i pa Estados Unidos ri’.
Xuquje’ eri taqawokajnel rech ri ya’olchajinem ri’, xub’ij che katerenb’ex kichapik ri’, are la’ tajin kutaq ub’anik ri k’amal b’e amaq’ Alejandro Giammattei ri’.