Eri Ministerio rech Gobernación aretaq xya’ pa k’utem ri Ub’e’al Cholchak rech Banoj Chomanem rech Q’atenik Ch’a’ojinik pa Tinamit ri’ xumaj k’ut ri b’anoj chomanem ri’ rech kakojik ri komonb’al pa wajxaqib’ chi tinamit ri’ rech pa we amaq’ che ri k’o k’ax chi rij ri ya’b’al k’amq’aq’b’al ri’.
Pa le rachoch ri Gobernación Departamental rech Retalhuleu xb’an ri nab’e riqoj ib’ rech xchomaxik kakoj ri Komon Ajchomanelab’ pa Wokajilal ri’ rech uterenb’exik ri Ub’e’al ri’, ruk’ kitatab’enik ri q’atb’alzij rech ri Ministerio rech Gobernación, rech ri Chakunja rech Q’atel k’ax (UPCV), rech ri Wokajil Ajchajil Tinamit (PNC), rech ri Comisión Nacional rech Energía Eléctrica (CNEE), rech ri Comisión Nacional rech Diálogo, rech ri Nimaq’atb’altzij rech kechab’al Ya’talil Winaqil (PDH), are jun ri Gobernador rech Retalhuleu, Ignacio Arreaga xuquje’ ri e ajkalte’ib’ rech Nueva San Carlos, Juan Carlos Escobar xuquje rech San Felipe, Jehú Salazar ri’.
Eri Gobernador Arreaga, xub’ij, are wa’ jun utzalaj ub’e’al b’anoj chomanem ri’ rumal k’ut are kuya’ nim kowonib’al pa kiq’ab’ ri Gobernadores kakikoj jun komon ajchomanelab’ rech kena’ojinik pa katinamit rech uq’atexik wa’ jun k’ax ri’.
Eri b’anoj chakunem ri’ are katajin che uk’amik ub’e’al ri Tercer Viceministerio rech Q’atel k’ax ri’, xuquje’ rech are karaj ketatab’enik ri q’atb’altzij k’amal b’e rech wokajil chakunja pa tinamit ri’ xuquje’ ri e winaqilal, rech kaq’atataj ri jun k’axk’olil naj chik katajin ri’.
E pa tinamit rech Retalhuleu chi’ e riqom wi e wuqub’ chi uq’ab’ tinamit ri k’o wi ri k’axk’olil ri’, pa taq ri tinamit: Retalhuleu, Champerico, Nueva San Carlos, El Asintal, San Sebastián, Santa Cruz Muluá xuquje’ pa San Andrés Villa Seca ri’.
“E pa Retalhuleu ri’ k’o chik uq’ijol ri b’anoj chomanem kab’an chi’ rech uq’atexik ri jun ch’a’ojil ch rij k’amq’aq’b’al ri’ xuquje’ rech katerenb’exik ri b’anoj chomanem kuk’ ri winaqilal che ri keriqitaj pa ch’a’ojinem ri’, rumal k’ut man kaqaj ta chik maj jun ch’a’ojinem kab’an tane’ chik pa le tinamit ri’, rumal k’ut eri uj uj rajpatan ri Gobernación ri’ uj ri’ uj toq’itil che b’anoj ya’olchajinem pa le uq’ab’ taq tinamit ri’”, xcha’ ri Taqawokajnel.