Xmajtaj ri nimaq’ij rech kutz’aqatisaj 26 ujunab’ ri PNC ruk’ raq’ansaxik ri Läkam Amaq’

Ruk’ taq retz’eb’exik poq’sab’al ri’, xajow ri wakax, xub’isax ub’ik Amaq’, xeb’ixon ri mariachis xuquje’ xb’an paq’apan kq’ab’ winaaq e ajka’yel ri’, ruk’ jun nimaki’kotemal xmajtaj ri nimaq’ij pa nimaq’ab’ chi uwach ri Dirección General rech ri Wokajil Ajchajil Tinamit (DGPNC) zona 1 rech pa nimatinamit, rumal unimaq’ij 25 ujunab’ kutz’aqatisaj ri taqawokajil ri’. Pa le nimaq’ij ri’ xk’oji ri k’amal b’e rech ri PNC, Héctor Hernández Mendoza, ri k’amal b’e taqanelab’ ri wokajil ajchajil tinamit xuquje’ ri reqa’lenelab’ ri wokajilal ri’.

Eri Nimak’amal b’e ri’ xub’ij “eri nimaq’ij ri’ are rumal kutz’aqatisaj 25 ujunab’ ri wokajilal ri’, rumal ri’ xb’an k’i taq ilb’anem pa nimaq’ab’ ri’ xuquje’ xaq’ansax ri Läkam Amaq’, pa rachib’al we loq’ retal Amaq’ ri’ are kaqanimaj kuwach ri winaq tinamit e aj iximulew ri’”.

Chi ke ri reqa’lenel e ajchajil tinamit xek’oji chi’, “Rajwaxik pa amaq’el ronojel kenimaxik ri loq’ qawinaq qachalal ri’, rajwaxik kaqana’o jun nim chuq’ab’ ki’kotem pa ya’olchajinem winaqil pa tinamit aj iximulew ri’.

Xuquje’ xub’ij “we q’ij kamik konojel ri reqa’lenel ri PNC, kaqaya’ qib’ pa nim uq’ab’ ri Qajawaxel Chikaj, rech kaqata qachuq’ab’, qeta’mab’al ri’, qano’jib’al xuquje’ rech kuk’am qab’e pa le jujun taq chak kab’an ri’ rech pa le utz b’anoj ya’olchajinem winaqil pa we Amaq’”.

Noticias Recientes