Xopan pa xik’ch’ich’ ri 483 upajb’alil Cocaína ri rajil are Q.55 millones ri’


Pa helicóptero rech ri Wokajil Ajchajil Tinamit (PNC) ri xqaj pa le Fuerza Aérea Gatemalteca (FAG) ri upetik loq k’a pa Camotán, Chiquimula ri 483 upajb’alil Cocaína ri xriqitaj loq iwi kumal e ajchajil tinamit ri’.

Are wa’ utz xk’ulmatajik aretaq xb’antaj kun nim tzukunem pa jun aldea rech ri tinamit chi’, rumal ri’ xb’antaj kowonem xriqitaj ri awan kunb’alil ri rajil are Q.55 millones chi pwaqil ri’.
Xuquje’ chi la’ k’ut xb’antaj kowonem xchap loq jun achi ub’i’ Jorge Arnoldo Oliveros Martínez, 43 ujunab’ ri’, jun chik ub’i’ José Isaac Peña Lara, 25 ujunab’, Marlon Iván León Morales, 28 ujunab’, xuquje’ jun chik ub’i’ Pedro Antonio Cabrera Cano, 24 ujunab’ ri’.

Eri Centro Antipandillas Transnacional (CAT-PNC) xeto’ik kumal ri GAR, FEP xuquje’ ri FIAAT ri’ e nik’aj chik e are jun ri’ k’i taq unidades especializadas rech PNC, xuquje’ pa komonchak kuk’ rajchak ri Q’atb’al tzij rech Narcoactividad rech ri MP xuquje’ ri Quinto Viceministerio xechakun pa juntir le q’ij ri’ pa le jun ja k’o pa le aldea Lela Obraje, Camotán, Chiquimula, ri xk’is wi ri b’anoj tzukunem ri’.

Xuquje’ jacha’ xriqitaj ri awan kunb’alil k’o kajib’ chi ch’a’wib’al, keb’ k’aqb’al, keb’ raqarik k’aqb’al, oxib’ pick-ups, ruk’ oxib’ ch’ich’ rech eqa’nib’al xuquje’ oxib’ chi kejch’ich’, man kiplakas xeriqitaj ri’.

Noticias Recientes