E k’o e 20 chi winaqil e ajb’anol k’ax e chapom chik, kumal ri’ reqa’lenel ri Subdirección General rech Investigación Criminal (SGIC) rech ri Wokajil Ajchajil Tinamit (PNC) pa komonb’al kuk’ ri q’atol tzij rech ri Ministerio Público, kichapom chik ri jun molaj b’anol k’ax kib’i’ “Los de la limonera” ri kab’ixik keleq’am kejch’ich’ xuquje’ winaq kikamisam pa Tinamit Paxil xuquje’ pa Escuintla ri’, eri jun molaj b’anol k’ax ri’ are jun kuk’ jun fiscal rech ri MP xuquje’ jun tzukunel antinarcórtico.

Eri xechapataj ri’ xch’ob’otaj kuwach e are ri’:

Eri nik’aj b’anol k’ax ri’ kab’ixik eri b’anoj k’ax xkib’ano are wari’: B’anoj k’ax kamisanik, choman b’anoj k’ax taq elaq’, choman b’anoj kikamisaxik winaq, kikojom kib’ che e ajq’atol tzij xuquje’ kiya’om kuwi’ ri b’anoj k’ax xkib’an ri’.
xuquje’ xraqataj kuk’: oxib’ chi ch’a’wib’alil, kajib’ chi k’aqb’alil, keb’ raqarik k’aqb’alil, jun k’aqb’al, 14 chi ub’aq’ k’aqb’alil, 163 ub’aq’ k’aqb’alil ri’ xuquje’ jun ch’ich’ rech kakib’inisaj kib’ chi upam ri’.

Eri k’amal b’e ri PNC, José Antonio Tzuban, xub’ij che ri we jun b’anoj tzukunik ri’ are xumaj k’i taq ik’ xnajtib’ rech xb’antaj kowinem xeq’atataj ri jun molaj b’anol k’ax ri’, “eri tzukno’jchak ri’ are rech xch’ob’otajik chinaq qas xetaqoj ub’anik ri k’ax pa le jun molaj ri’ xuquje’ e k’o e k’i e reqa’lenel ri PNC chi ke ri xetob’an kuk’ nik’aj e ajb’anol k’ax ri”.

Eri taqanel rech ajchajil tinamit sib’alaj xtob’anik pa le b’anoj 43 chi tzukunem ri’ pa taq le tinamit rech Paxil xuquje’ pa Escuintla ri’ chi’ k’ut pa konojel xetaqik e 500 chi reqa’lenel ajchajinelab’, xnab’ejsax ub’ixik che e k’o chik e 26 chi winaqil e chapom chik e uwinaqil jun molaj b’anol k’ax ri’, ri k’o k’i taq b’anoj kamisan winaq kumal ri’ xuquje’ e are sib’alaj k’o nima’q elaq’ xkib’an chi ke ri winaqil pa tinamit ri’.