Pa ronojel k’ut xriqitaj 616 chi pisob’al awan kunb’alil ub’i’ Cocaína ri’ are la’ xriqitaj pa k’i taq kaxonach’ich’ e k’o chi la’ pa Puerto Santo Tomás de Castilla, Puerto Barrios, Izabal ri’.
Eri q’atb’al tzij rech ajchajil tinamit xkib’ij k’ut pa k’i taq kaxonach’ich’ upetik loq chi la’ Panamá, chi upam taq xriqitaj wi ri itzel awan kunb’alil ri’ ri xq’alajinik che tzij are la’ ri itzel kunb’alil ri’. Are la’ xub’ij utzijol rajtzijolinel ajchajil tinamit, eri eqa’n ri’ are b’anom loq le rilik jastaq rech pa taq kachoch winaq ri’.
Pa le nab’e kaxonach’ich’ ri’ k’o 334 chi pisob’al k’o ri awan kunb’alil chi upam ri’ xuquje’ pa le jun chik k’o 282 ri’, are la’ xpisik rech kak’am b’i che ri kaporox wi ri’.
Chi rij wa’ ri xriqitaj ri’, pa junab’ ri’, pa ronojel k’o chik 8,396.24 chi upajb’alil Cocaína riqom chik pa taq puqchajinem tzukunik, ri xtaq ub’anik rumal ri Ministerio rech Gobernación, Gendri Reyes, pa komonchak rumal ri Quinto Viceministerio ri’ xuquje’ kuk’ ri SGAIA, ruk’ kitob’anik ri Wokajil Ajchajil Amaq’ xuquje’ kumal ri Ministerio Público ri’.