Xriqitaj jun winaq salvadoreño uwam rib’ pa Iximulew rech maj jun kachapoj rech ri’

Eri wokaj reqa’lenel ri División rech Investigación Policial (DIP) ri’ rech ri Wokajil Ajchajil Tinamit ub’i’ (PNC) xriqitaj pa le frontera San Cristób’al pa Atescatempa, Jutiapa ri’, chi la’ k’ut xchap wi jun winaq salvadoreño ri’ uwam rib’ pa rulewal qatinamit ri’, rech kchap ta rumal ri q’atb’al tzij rech El Salvador ri’.

Eri jun winaq ri’, xch’ob’otaj uwach are jun achi ub’i’ Nelson Eduardo Salazar Madrid ri’, ri xchapataj b’i pa rulewal qatinamit Iximulew ri’, xa’ uwam rib’ k’ut pa jun ja k’olib’al pa Pedro de Alvarado, Moyuta, rech Jutiapa ri’.

Xchakuxik ruk’ ri reqa’lenelab’ ri Departamento rech Inteligencia Policial rech ri Policía Nacional Civil rech El Salvador ri’, rumal eri jun winaq ri’ kab’ixik taqom uchapik loq rumal xub’an jun k’ax kamisanik pa rulewal utinamit ri’.

Jeri’, pa ik’ mayo rech pa junab’ ri’, xb’an jun utzukuxik ri’ rumal ri’ chi la’ xb’antaj wi kowonem xchapataj ri’ ruk’ ri awan jastaq ukolom ruk’ ri’.

Eri jun winaq ub’i’ a Salazar Madrid ri’ are uwinaqil ri jun molaj b’anol k’ax ub’i’ clica Cobras Locos rech ri Mara Salvatrucha ri’, ri kakib’an ri k’ax pa rulewal tinamit rech Tacuba xuquje’ San Francisco Menéndez rech Ahuachapán ri’, pa rulewal ri nimatinamit apanoq.

Xuquje’ eri k’amal kb’e ajtaqol kech ri puq winaq e b’anol k’ax keqam k’aqb’al ri’ qaraj e k’o 20 uwinaqil ri jun molaj b’anol k’ax ri’, are k’ut kakib’an ri kamisanik, ri toq’inik pwaq xuquje’ ri q’axenik xuquje’ uk’ayixik awan kunb’al ri’. Eri xtzukux uwach ri’ are xuq’alajisaj che ri jun puq b’anol k’ax ri’ pa komon k’ut kakib’an ri k’ax chi kuwach ri puq b’anol k’ax ub’i’ clica Pulgarcito rech ri Mara Salvatruch che ri kub’an k’ax pa rulewal tinamit rechTapachula, Chiapas, México ri’.

Noticias Recientes