Xsolix upam ri japache’ rech Q’antel, maj chik kak’am wi k’amq’aq’nil chi’

 

Pa le ropanik chi’ eri Ministro rech Gobernación Edgar Leonel Godoy pa le Japache’ rech Q’antel ri k’o pa tinamit rech Xe’laju’, k’o b’anoj solinem xub’an pa japache’ ri’ che ri e k’o wi ri e itzel taq ajpache’ chi’.

Are wa’ kub’an utz pa le japache’ ri’ xcha’ rumal ri K’amal b’e Amaq’, Alejandro Giammattei xuquje’ eri e ajpache’ ri’ xuquje’ are katajin che uch’ob’ik rech kek’oji pa le kitz’apib’al ri e ajpache’ chi’ ruk’ jun tzijob’al kib’, maj k’amb’al k’amq’aq’nil, majun kolob’ch’ich’ chi’ rech kakik’am tane’ ruk’ ri k’amq’aq’nil rech kakikoj tane’ che kijastaq chi’ jacha’ ri’ le ch’awib’alil, ri kematz’ib’ab’al, jastqq katzijin ruk’ k’amq’aq’nil ri’.

Chi rij ri kek’oji wi eri Godoy xub’ij che are katajin rilik ri’, xuquje’ xub’ij man utz taj kakititz’ tane’ kib’ ri e ajb’anol k’ax chi’, pane’ b’a’ qas e b’anol k’ax, jacha’ ri kub’ij ri taqonatzij ri’.

“Eri ub’anikil ri k’olib’al chi’ are sib’alaj utz, emu wari’ rajawaxik kab’an utz che, we chanim xkojotaj ri k’amq’aq’nil chi’, xcha’ ri taqawokajnel rech Ya’olchajinik pa Amaq’.

We chanim ri’ are karaj na kakoj ri ch’at chi’, rech chi’ kakitoj wi kimak ri’, eri nik’aj winaq ri’ e are sib’alaj e b’anol k’ax chi ke ri winaqil, xcha’ ri Taqawokajnel rech Ya’olchajinik pa Amaq’.

K’o ri b’anoj tzukunem rech q’atel k’ax katajin ri’

Rumal ri’ k’o ya’el uchuq’ab’ ri ya’olchajinik winaqil kab’an ri xcha’ ri Ministro, aretaq xuya’ ub’ixik ucholaj ri’: rumal ri’ k’o k’i b’anoj ya’olchajinik katajinik, eri kajib’ b’anoj Korlim Ya’olchajinik chanim, k’o utz retalil xub’ano pa Chimaltenango chi’ k’u ri’ eri winaqil xetob’anik ruk’ ri Ministerio xuquje’ ri Wokajil Ajchajil Tinamit, pa le ub’ixik loq kitzijol e ajb’anol k’ax ri’.

 “Rumal ri’ kaqata chi ke ri winaqil rech kakub’ kik’u’x chi ke ri PNC xuquje’ chejat b’a’ loq che ub’ixikri’, eri e are keta’m che ri qas e k’o wi xuquje’ che kakib’an wi k’ax”, xcha’ ri Ministro.

Noticias Recientes