Pa le k’olib’al ajchajil tinamit e k’o pa Escuintla rech ri Wokajil Ajchajil k’ache’laj (DIPRONA) rech ri Wokajil Ajchajil Tinamit (PNC) chi’ xopan wi le achi Rodgers Samayoa 56 ujunab’ rech xopan che ub’ixik che chi rij le rachoch k’o jun awaj rech k’ache’laj ri’.
Aretaq xe’opan ri reqa’lenel rech DIPRONA chi’ k’o jun Oso hormiguero xkiraq chi’ k’o jun sakom che uqul ri’, rumal ri’ pa aninaqil xopan rilik kumal ajkunanelab’ ri xkik’am b’i rech kikunax ri’.
Eri jun awaj ri’ are jun cholajisam ub’i’ pa le kib’i’ ri awaj che ri tajin kisachik kuwach xuquje’ are qaraj kupetisaj kiyab’il ri winaqil rech pa rulewal centroamericanas, ri xk’am panoq pa le k’olib’al kekunax wi rech ri Consejo Nacional rech Áreas Progidas (CONAP) chi’ k’u ri’ sib’alaj pa aninaqil xsolix wi’ xuquje’ chi la’ k’ut sib’alaj xkunax wi, eri ajno’jinelab’ xkib’ij ri’ che chi’ kikunax wi xuquje’ katerenb’ex ukunaxik rech te k’u ri’ katzoqopax b’i pa le k’ache’laj che ri jaqal wi, naj chi ke ri winaqil rech we kamik.