Xtzij le q’aq’ na’tib’al rech ri 199 ujunab’ kutz’aqatisaj ri Utzoqopib’al xutuke’lej rib’ le Amaq’ Ixim ri’

Eri K’amal b’e Amaq’il, Alejandro Giammattei rachb’ilam ri Ministro rech Gobernación, Oliverio García Rodas xuquje’ kuk’ nik’aj ajpatanel rech nik’aj taqawokaj pa Amaq’, xetatb’en pa le utzijik uq’aq’ amaq’ rumal ri 199 ujunab’ kutz’aqatisaj xutuke’lej rib’ le nimatinamit ri’.

Pane’ b’a’ pa we junab’ ri’ qas pa le junab’ rech ri jun itzel yab’il rech ri jun Coronavirus COVID-19 xeche’xik rech eri k’amal b’e amaq’ xutaq b’i jun nim utzij pa tinamit ri’ ri qas xkiya’o wi kuxo’l taq chi kuwach le Ministros rech Taqawokaj kuk’ ri Kajtz’ib’anelab’ ri’.

Pa le b’anoj nim okem tzij rumal ri K’amal b’e Amaq’ aretaq rachb’ilam ri Ministro rech Gobernación rumal k’ut are Ajchomal rech taq ri Nimaq’ijolil  pa le una’tilil utzijik ri q’aq’ rech amaq’ na’tib’al rech xutuke’laj rib’ ri’.

Pa le tzij xub’ij loq ri K’amal b’e Amaq’il xub’ij wari’ “Ri uj are kaqakojo chi ke ri jujun taq winaqil e aj ixim nimatinamit ri’ ka’lax wi loq kak’utun wi loq ri tzoqopib’alil rech taq chomab’alil xuquje’ rech taq pa Kanima’il ri kuya’ chaqe aj ajchakunel xuquje’ rech uj ajb’anol rech ri jikomal pa amaq’el ri’ rech kaqachomaj kaqab’an ri utzilem chi ke konojel ri’2.

Xub’ij chik che “We kamik man xaq tari’ kaqok’owisaj unimaj pa le q’ij ri’ le qatinamit amaq’il ri’, we kamik are kaqab’an unimaq’ij utzoqopib’al ri uchakuxik qameb’il qajastaq ri’, chi’ k’u ri’ chi qajujunal k’o jun utzoqopil chaqawach rech kaqatzukuj ri b’anoj utzil chaqe, rech kaqana’tij ri utzoqopib’al uwach qachomab’alil che ri chaqajujunal ri’ ya’talik rech kaqak’am ub’e’al rech b’anoj utzilem chi ke qawinaqil pa qapatinamit ri’”.

Alerta de Corrupción

Ultimas noticias