Xumaj uchuq’ab’ ri chomanem rech kakojik ri Control Telemático ri’

Eri Ministro rech Gobernación, Oliverio García Rodas xopan pa jun riqb’al ib’ rech k’otojchi’aj chech ri are pa le Congreso rech ri Amaq’il, ri xsik’ix wi rumal ri Bancada Unidad Nacional rech ri Esperanza (UNE), ruk’ ri K’amal b’e rech ri Sistema Penitenciario, Luis Rodolfo Escobar xuquje’ ri Director General rech ri Wokajil Ajchajil Tinamit, José Antonio Tzuban, rech xakiya’o uq’alajisaxik ri b’antajel pa le wokajil japache’ rech pa we amaq’ ri’.

Rumal k’ut k’o jun nim k’axk’onem rilik pa le 22 chi Wokajil Japache’ ri’ rech uchomaxik jas ri kab’an chi ke ri e titz’otil pa le japache’ rumal ri’ katajin rilik rech kakojik ri Sistema rech Control Telemático.

Rumal ri’ eri Ministro García Rodas xub’ij che pa taq le q’ij ri’ kesik’ix ri’ ri rajawtzij rech ri wokajil rech ri kikaj k’o ch’ob’otal chak kakijach ub’ixik chi rij wari’.

“Pa le 12 xuquje’ 14 rech septiembre petinaq ri’ kaya’ utzijolil ri kojb’al rech ri no’jchakub’al rech k’amq’aq’nil che ri Comisión rech Derechos Humanos, ri Comisión rech Gobernación xuquje’ ri ajk’amal b’e rech ri q’atoj Tzijw, xcha’ ri Ministro García Rodas.

Are wa’ jun ch’ob’otal chak ri pa rejqale’j ri Cuarto Viceministerio rech Tecnología rech ri Tzijob’elil xuquje’ rech Tzijob’enik, are chi’ k’o chik ri retab’al b’anoj q’atoj tzij rech kojb’al rech wari’ xuquje’ pa taq le q’ij petinaq ri’ are kaya’ utzijolixik pa taq tinamit pa uwachulew rech katzukuxik ri wokajil rech kuchakuj wari’.

Eri ajpatanel ri’ xub’ij k’ut eri ub’antajil ri japache’ rech El Infiernito ri’, are k’o pa le rulewal tinamit rech Escuintla, chi’ k’u ri’ xetaq wiri’ e 2 mil chi reqa’lenel ri Unidades Especializadas xuquje’ reqa’lenel taq ri Comisarías rech kakiq’atij uwach ri k’ax chi’.

Alerta de Corrupción

Ultimas noticias