Xya nab’e utzijol ri uq’atexik ri elaq’ ruk’ releq’axik taq ch’ich’ ri’

Eri rajtaqanel ri División Especializada rech Investigación Criminal (DEIC) ri’, rech ri Wokajil Ajchajil Tinamit (PNC), David Boteo, ruk’ ri Fiscal Regional rech ri Ministerio Público (MP), Dimas Jiménez y el Fiscal de Sección Adjunto contra el Crimen Organizado, Klayber Sical, xkiya ub’ixik chi rij ri 111 chi b’anoj tzukunem xb’an pa kab’lajuj chi rulewal tinamit rech pa we Amaq’ xuquje’ pa nimatinamit, eri taqim ri’ are rech keriqitajik ri ch’ich’ e eleq’am b’i.

K’a chuwe’q oxib’ rech noviembre ri’, eri reqa’lenel ri PNC, ruk’ utob’anik ri MP, sib’aklaj xkib’an jun nimalaj tzukunem pa taq tinamit ri’ rech xkitzukuj jastaq q’alajisab’al kuk’ e ajb’anol k’ax che ri kakib’an elaq’ xuquje’ kakeleq’aj ch’ich’ xuquje’ k’aqb’alil.

Eri e sak’ajil tzukno’jchak rech ajchajil tinamit e are k’ut xekowon che kariqik nik’aj molaj b’anol k’ax ri’ pa nimatinamit Iximulew, pa Chimaltenango ri’, jpa Sacatepéquez ri’, pa Santa Rosa ri’, pa Chiquimula ri’, pa Zacapa ri’, pa Jalapa ri’, pa Alta Verapaz ri’,  pa Xe’laju’ ri’, pa Chuwi’meq’ina’ ri’, pa K’iche’ ri’, pa Suchitepéquez ri’, pa Chinab’jul ri’, pa San Marcos ri’ xuquje’ pa Petén ri’.

Eri b’anoj tzukunem ri’ pa taq ri k’olib’em che ri oksam kumal nik’aj b’anol k’ax ri’, are la’ juntir xq’atataj kuwach ri’, chi la’ che ri xkik’ol wi ri awan jastaq, ri kakik’ex wi uwach taq ri ch’ich’ kakeleq’aj ruk’ taq ri ch’ich’ ri’.

Ri xechapatajik ruk’ ri jastaq xriqitaj ri’

Rumal ri’ xchapataj ri’ jun achi ub’i’ a Mario René Palacios Martínez, 44 ujunab’, ri kab’ixik releq’am jun ranch’ich’ ri ujosomel ri rajilab’al ri’, jeri’ ri al María Antonieta Reyes de la Cruz, ri reqam b’i Q130 mil chi pwaqil maj pa usaqil ub’ixik ri’, al María Enriqueta Yool Xoyon de Osorio, 41 ujunab’; xriqitaj ub’aq’ k’aqbal xuquje’ jun tz’ikin raxk’el kaq ujolom ri’.

Xuquje’ pa Escuintla’ ri’ xriqitaj wi oxib’ chi ch’ich’ ri kab’ixik e eleq’am b’i; e are wari’, jun Mazada, Protege, modelo 2001 ruk’ ri placas P-995DXB ri’, pa le 30 rech octubre rech ri junab’ ri’; jun Mitsubishi Lancer, q’eq rij, modelo 2002, ruk’ ri placas P-505GMB ri’, ri xeleq’ax pa le 1 rech noviembre pa Santa Lucía Cotzumalguapa ri’; xuquje’ jun Mitsubishi, q’eq’ rij, modelo 2000, are ri ch’ich’ ri’ ri esam chik rij xuquje’ ri xeleq’ax ri’ pa le 10 rech octubre ri’, pa le zona 1, rech ri tiamit le’.

Pa taq le tzukunem ri’ xuquje’ xeriqitajik e kajib’ chi ch’ich’, lajuj chi ranch’ich’ ri josomel urajilab’al ri’, oxib’ chi kejach’ich’ ri josom chik ri rajilab’al xuquje’ ruk’ 70 ub’aq’ k’aqb’al ri’. 

Noticias Recientes