Eri Ministro rech Gobernación, David Napoleón Barrientos ri’, ruk’ ri Fiscal General xuquje’ Taqanel rech ri Ministerio Público (MP), María Consuelo Porras ri’, ri K’amal b’e Wokajil Ajchajil Tinamit (PNC), Héctor Hernánde xuquje’ kuk’ nik’aj chik q’atb’al tzij ri’, xkiya loq ub’ixik ri xb’antaj k’a pa uk’isb’al ri’ pa ub’anikil ri Hacienda–Río ri’ are chi’ xb’antaj 55 chi b’anoj tzukunem pa nimatinamit Iximulew, Chinab’jul, Xe’laju’ ri’ xuque’ pa le nimatinamit El Salvador ri’. paq’ij 24 xuquje’ 25 rech octubre ri’ xechapataj juk’al keb’ chi winaqil ri’.
Eri q’atb’al tzij xkib’ij eri jun molaj b’anol k’ax ri’ ri e ajkojol pa k’ax ch’ijom chak ri winaqil ri’, rumal ri’ pa le b’anoj nimatzukunik kumal ri ajchajil tinamit ri’ pa taq ri nimatinamit Iximulew xuquje’ El Salvador ri’, eri q’atb’al tzij xkib’ij che xkiriq jun k’aqb’alil, ch’aweb’al, jun ch’ich’ xuquje’ pwaqil b’otolik ri jalajoj uwach ri’.
Eri xriqitajik
· Jun k’aqb’al
· 1 millón 84 mil 643.10 chi pwaqil
· 17 mil 752 chi pwaq dólares EE. UU.
· 430 mil 463 chi pwaqil pesos mexicanos
· 2 mil 939.25 chi pwaqil lempiras
· 330 chi pwaqil córdobas
· 42 chi ch’aweb’alil
· 22 chi tarjetas SIM
· 1 ch’ich’
Eri Ministro rech Gobernación xkub’isaj ub’ixik ri’ eri upatan ri’ are rech kub’an ri tzukunem chajinik pa komon taqawokajilal rech pa le kaq’atexik nik’aj molaj b’anol k’ax ri’, xuquje’ rech keriqitajik kechap loq ri winaqil che kakib’an ri k’ax ma pa usaqil ri’.
“Eri PNC sib’alaj karaj k’ut kuch’ob’ kuwach ri rajchak ri taqawokajnel ri’ che ri kakib’an ri ka’x, rumal wa’ kojtajin che ub’anik ri chajinem tzukunik pa komon wokajilal pa we k’isb’al junab’ ri’, rumal k’u ri’ k’o chaqawach kachakuj ri’ ri plan 30-2022 ri’ rech ya’olchajinem winaqil e aj iximulew ri’”, xcha’ ri taqawokajnel rech ri ya’olchajinem tzukunik pa we Amaq’.