Eri Ministro rech Gobernación, Edgar Leonel Godoy, xuya’ ucholaj ub’ixik che xkoj jun wokaj chomanelab’ rech kakiterenb’ej xuquje’ rech kakiya’o utzijol le unab’ejsaxik uq’atexik ri k’ax yab’il ub’i’ Coronavirus.
“K’o nim upatan kaq’axax le nim utzijolil jacha’ ri xub’ij ri K’amal b’e Amaq’, man kojtajin taj che ub’ixik jo’snem tzij ri’ are k’ut kojtajin che ub’ixik le qas tzij ri’, are rech kakilo le winaq che kojtajin che ua’atexik le jun k’ax yab’il ri’”, xcha’ le Ministro ri’.
Eri viceministro rech seguridad, xub’ij che ch’ob’otalik keraqataj wi konojel le winaq che ri xepe loq pa jun xik’ch’ich’ ri’, e kajib’ chi ke man k’ot ri yab’il chi ke le xepe loq Estados Unidos ri’ xuquje’ pa nik’aj chik naj nimatinamit xuquje’ xeraqataj loq kumal ri ajchajil tinamit ri’, ri katajin komon ilonem chi ke ruk’ ri Ministerio rech Salud xuquje’ xuquje’ xa’ jun chik karaj na karaq chi ke ri’, are katajin rilik we xtzalij pa utinamit che ri petinaq wi loq.
Xuya’ k’ut ub’ixik che rumal k’o xtaqon loq rumal ri’ K’amal b’e Amaq’ xtaq ub’ixik che xtz’apix k’ut ri k’ulb’a’t pa amaq’, ri xik’ch’ich’, ri ch’ich’ e k’amol winaq, xuquje’ ri jukub’ ch’ich’ pa uwi’ palow, rumal k’ut k’o jun uwach ri k’ulb’a’t juyub’ pa amaq’ ri’ che ri man chajim taj emu wari’ katajin chik ya’olchajinik chi’ kumal ri e ajchajil tinamit kuk’ ri Wokajil e Ajchajil Amaq’ Iximulew, are rech k’o ya’el uchuq’ab’ kab’an ri’ chi’ k’u ri’ iwir xechapataj wi loq nik’aj winaq che ri xa’ kiwam kib’ xkaj tane’ xeq’ax loq, e are k’u ri’ xetzalix b’i pa katinamit e petinaq wiri’.
Eri q’atb’altzij che ri xkiwok uwach ri wokaj ajchomanelab’ rech taq wokajilal ri’ xkita k’ut chi ke ri winaq pa tinamit rech chakib’ano utzil chi ke ri wa’katel winaq che ri keraqataj na pa amaq’ ri’, rumal k’ut eri e are ri’ man k’ot ri yab’ilem chi ke ub’i’ CORONAVID19 ri’.
Rumal ri’ eri Ministro rech Gobernación xuya’ ub’ixik eri ub’anik rech uq’atexik rech kujupij ta rib’ le jun yab’il ri’, rumal sib’alaj kaqata apan chi ke ri winaq rech mub’an keb’ kik’u’x.
“Eri wa’katel winaq ri’ kakinimaj b’a’ ri kutaq ub’ixik chi ke pa tinamit ri’, rajawaxik b’a’ kakib’ij jawchi’ ke’opan wi, man xaq ta kakikoj tane’ jun chik ja che ri keb’e ta wi, k’o jun nim chak xumaj k’ut rech pa le karaqik le nik’aj winaq ri’, are wa’ kuk’utu che k’o le nim tijowchuq’ab’ katajinik rech uq’atexik le jun yab’il ri’, xcha’ le Ministro.
Eri taqawokajnem chomanelab’ ri’ are kiwokom uwach rumal ri Ministerio rech Salud, rumal ri Defensa, ri Gobernación, ri Wokajil e Ajchajil Tinamit, rumal ri Instituto rech Migración, ri Aeronáutica Civil, ri Relaciones Exteriores kuk’ ri’ kojtajin wi che ri b’anoj komon chakunem ri’ rech kujkowin che ujikomaxik ri tzijolil ri’ rech man jun kub’an tane’ tzij chi rij wari’.
Xuquje’ katajin uchakuxik wa’ pa komon ruk’ ri Ministerio rech Economìa, rech kaya’tajik chi ke ri wokajil rech ri kakaj kechakun ri’ xuquje’ rech kilik kakinimaj ri saqib’alil kakib’an ri’ are rech man keyab’in taj le e ajchak ri’, xcha’ ri Reyes.