Eri chajinem tzukunik xb’antaj rumal ri operativo Atenea rech ri Wokajil Ajchajil Tinamit (PNC) xkiya utzijol che e k’o 718 chi winaqil xechapatajik.
Eri kajib’al xya’taj loq kumal e ajchajil tinamit e k’o 364 xechapik rumal b’anoj k’ax ch’ayonem pa kachoch, e k’o 276 e ajkamisan ixoqib’ xechapik, e k’o 72 xechapik rumal xkib’an k’ax chi ke ixoqib’ xuquje’ e k’o e waqib’ xechapik rumal xkikamisaj ixoqib’.
Sib’alaj xya ub’ixik che pa waqxaqib’ chi nimatinamit ri’ xb’antaj wi 587 chi b’anoj q’atenik k’ax, xuquje’ k’o 8 583 chi winaq xechapatajik rumal xkikamisaj ixoqib’, e k’o 286 achijab’ xechapik rumal kamisan ixoqib’, e k’o 2,715 xechapik rumal xkib’an k’ax chi ke ixoqib’, e k’o 5,536 xechapik rumal b’anoj k’ax pa kachoch xuquje’ e k’o kajib’ molaj b’anol ch’ijom k’ax xeq’atexik, xuquje’ e k’o 2,022 chi q’atenik k’ax xb’antaj ri’.
Eri rajilab’alil ri’ xya’taj utzijol are junam ruk’ ri xb’an pa le 30 rech abril kanoq kumal e ajchajil tinamit rech Iximulew, Argentina, Bolivia, Colombia, Paraguay, El Salvador, xuquje’ República Dominicana ri’ pa junamil ri’ xekowonik xkichapo e 8 583 chi winaq, rumal b’anoj itzel chi ke e achak’ulajil.