Ya’tal chik kesaxik ri Antecedentes Policiales pa uwachwuj pa k’amq’aq’nil ri’

Are wa’ rech k’o jun utzalaj ilonem nimanik kab’an ri chi ke ri winaqil pa amaq’, eri Wokajil Ajchajil Tinamit (PNC) k’o jun uwachwuj pa k’amq’aq’nil xukoj ri’ rech kakesaj kiwujil rech ri Antecedentes Policiales pa uwachwuj k’amq’aq’nil, pa le ub’anikil ya’tal kixok wiri’ rech ri Wokajil Ajchajil Tinamit https://policiales.pnc.gob.gt/ ri’.


We uwachwuj k’amq’aq’nil ri’ chi upam wa’ kaya’ wi panoq ri wujil rech Antecedentes Policiales chi ke ri winaqil ri kakita loq, ya’talil rech kiwesaj pa jun kematz’ib’ab’al pa le iwochoch wene’ pa le kixchakun wiri’ xuquje’ pa le ich’a’wib’alil che ri iweqam ri’.


Rech kekowin ri winaqil kakesaj ri wujil rech Antecedentes Policiales ri’, eri winaqil rajawaxik jun retal kitzijol ri’, ri correo electrónico, ri rajilab’al kiwujil rech kitzijol ub’i’ (DPI), ri q’ijol rech kalaxib’al ri q’ij ri junab’ xuquje’ ri juntir kib’i’, are wa’ kil rumal ri Wokajil Jachakunb’al rech Kitzijol Winaq ub’i’ (RENAP), kakitoj ri rajil pa uwachwuj pa k’amq’aq’nil xuquje’ kakeye’j retal ub’ixik chi ke rech kaya’tajik ke’ok pa le uwachwuj pa k’amq’aq’nil rech Antecedentes Policiales ri’. Eri jun wujilal ri’ juch’um retalil pa uwachwuj pa k’amq’aq’nil ri’ xuquje’ k’o jun retalil QR rech che tzij are ri wujil ri’.


Eri resaxik ri wujil ri’ we kamik are ya’tal panoq chi ke konojel winaqil e aj ixim nimatinamit ri’. We jun b’anikilri’ are wa’ jun chakunem pa komon rumal ri Subdirección General rech Tecnología rech ri Información xuquje’ ri Comunicaciones rech ri Wokajil Ajchajil Tinamit xuquje’ rumal ri Cuarto Despacho Viceministerial, rumal ri Transformación Digital rech ri Ministerio rech Gobernación.

Noticias Recientes