Eri Departamento rech Tránsito (DT) rech ri Wokajil Ajchajil Tinamit (PNC) are ri q’atb’altzij rech ri b’anoj kub’sib’al wa’katem pa taq nimab’e pa we amaq’, ketajin k’ut che upatanixik ri nab’e ya’ltzijol rech katzijob’exik ri winaqil kewa’kat pa taq nimab’e, xcha’ ri Rony Véliz rajtzijolinel ri Departamento rech Tránsito ri’ rech ri Wokajil Ajchajil Tinamit (PNC).
Eri utaqim ri ya’ltzijol ri’ “Peatón Seguro”, are rech b’a’ eri winaqil e aj iximulew kakik’am ucholajik uch’ob’ik upatanib’al ri q’axib’al rech cebra, rech keb’in pa taq le b’inib’al, ri ch’ich’ q’axib’al, ri zonas seguras xuquje’ kakich’ob’ ri upatanib’al ri semáforos, ruk’ wari’ are kq’atexik majun winaq tane’ kuriq k’ax tane’ kumal e ajb’inisal ch’ich’, camiones, ch’ich’ rech erelwinaq xuquje’ kejch’ich’ ri’.
Rumal ri’ chomatal chik kab’an ri ya’ltzijol ri’ xcha’ rajtzijolinel ri Tránsito, eri ya’ltzijolil ri’ are kamajtajik pa q’ij lunes petinaq 11 rech enero pa le 5ª., 6ª. xuquje’ 7ª. Avenida rech ri 2ª. Calle rech le zona 9 ruk’ pa taq ch’a’wib’al ri’, kumal reqa’lenel ri tránsito rech kepixb’an chi ke ri winaq kewa’kat chi’.
Eri ya’ltzijol ri’ are kab’an pa jalajoj taq k’olib’em pa nimatinamit ri’ pa taq raq’anik q’ij xuquje’ pa qajib’al q’ij ri’ pa b’elejeb’ q’ij ub’anik ri’, eri Véliz, xub’ij ucholajil ri’ are wari’ kab’anik ruk’ utob’anik reqa’lenel ri Sub Dirección General rech Q’atenik k’ax xuquje’ kumal ri uq’ab’il ri Ministerio rech Gobernación ri’.
Eri pa kajilab’al winaq che ri xekamik rumal xkinimaj taj rumal xeq’ax pa nimab’e xuquje’ rumal xeq’ax pa taq calles, pa taq avenillas, xuquje’ pa taq nimab’e ri’, eri tzijol ri’ pa le nab’e rech enero k’a pa le 31 rech diciembre rech ri junab’ir ri’ are chi’ k’o 2,315 chi winaq xetak’mix pa we amaq’, emu wari’ ya’tal kitzijol loq rech pa tinamit Iximulew k’o ri’ 788 chi winaqil ri’, eri xesakatajik e k’o 3,581 chi winaqil ri’, rumal ri’ eri ya’ltzijol pixab’nem ri’ are rech uq’atexik uriqik k’ax kumal winaq pa taq nimab’e pa Amaq’ ri’.