Eri Ministerio rech Gobernación xuquje’ ri Taqawokajnem rech Energía xuquje’ Minas rech b’anoj uchomaxik rech uq’atexik ri ch’a’ojinem chi rij ri k’amq’aq’ xuquje’ resaxik je’lalaj taq ab’ajil ri’. Rumal ri’ xriqij kib’ ruk’ ri Viceministro rech Q’atel k’ax ri’, Carlos García Rubio xuquje’ ri Vice Ministro rech Energías xuquje’ Minas rech Desarrollo Sostenible, Oscar Pérez ri’.

Eri Tercer Viceministro xub’ij che are taqim rech kachomaxik uq’atexik ri ch’a’ojinem chi rij ri k’amq’aq’ xuquje’ chi rij resaxik ri je’lalaj taq ab’ajil pa we amaq’ rumal k’u ri’ xb’antaj uchomaxik rech xkimol kib’ ri jalajoj komon ri’ rech uchomaxik ri b’anoj ch’a’ojinem kumal ri winaqil pa tinamit.

«Are kojtajin che ub’anik ri’ are ri b’anoj chomanem kuk’ ri q’atb’al tzij rech taq ri jachakub’al wokajilal rech e are jun kaketa’maj uch’ob’ik ub’anik ri ub’e’al chomanem pa tinamit, chi’ k’u ri’ ketaq ri e ajchak rech kek’uttijoxik xuquje’ rech e are jun ketatab’enik pa le jalajoj taq uwach rulewal tinamit ri’ che ri kamajtaj wi loq ri b’anoj ch’a’ojinem ri’ xuquje’ rech uq’atexik xuquje’ rech ketob’anik pa le b’anoj chomanem pa taq le riqoj ib’ rech taq b’anoj chomanem pa jachakub’al wokajilal ri’», xcha’ ri García Rubio.

Xub’ij chik e k’o wajxaqib’ chi tinamit katajin wi ri chomanem rech uq’atexik ri cha’’ojinem chi rij ri k’amq’aq’ ri’ xuquje’ e k’o nim ri xchomataj uwach ri’, are jun chi ke ri’ rech xq’atataj ri b’anoj ch’a’ojinik ri’ ruk’ ri le ya’olchajiinem kub’sib’al ri’, xuquje’ xchomataj kuk’ ri jachakub’al wokajilal xuquje’ kuk’ ri winaqilal e ajilol wari’ rech pa aninaqil kechomatajik xuquje’ e pa oxib’ tinamit xchomataj b’a’ xq’atataj ri ch’a’ojinem chi rij ri k’amq’aq’ ri’ kuk’ ri jachakub’al wokajil e ajya’l rech ri’.

Rumal ri’ eri Viceministrio rech Energía xuquje’ Minas xuya’ ub’ixik ucholajil che ri ub’e’al ri chomanem rumal ri Mingob kuril ri are che sib’alaj utz k’o upatanib’al ri’, xub’ij ri’ are la’ jun utzalaj chokonsab’al rech utz k’o nim kupatanij chi kech ri keb’ jachakub’al wokajilal ri’ rech pa le b’anoj chomanem rech kaq’atataj ri ch’a’ojinem ri’ are la’ k’o chi uwach ri MEM rech kupatanij ri ub’e’al b’anoj chomanem ri kaqak’amom ub’e ri’.