Pa taq le sábado xuquje’ domingo eri rajilab’al xya’taj kumal ri Wokajil Ajchajil Tinamit (PNC) ri xkiq’alajisaj ri’ che e k’o kak’al jun chi winaqil xechapataj ri’ pa we amaq’, 71 chi ke ri’ e achijab’ xuquje’ e k’o lajuj chi ke e ixoqib’ ri’, konojel ri’ xechapataj loq rumal xkinimaj ri taqanem tzij xtaq ukojik rumal ri K’amal b’e Amaq’il rech uq’atexik ri jun itzel yab’il rech ri COVID-19 ri’.
Eri q’atb’al tzij rech ajchajil tinamit xkib’ij eri tinamit che ri qas e k’o k’i chi winaqil xechapataj loq are chi la’ pa Guatemala, pa Chiquimula, pa Jalapa, pa San Marcos, pa Chimaltenango, pa Alta Verapaz, pa Petén xuquje’ pa El Progreso ri’.
Sib’alaj rajwaxik k’o nim upatanib’al kaya’ utzijoxik che konojel ri nik’aj winaq xechapataj ri’ aretaq ketajin che tijow tzam rech kakiq’ab’arisaj kib’, pa taq le k’ayib’al rech pa taq tinamit, pa taq le q’ijol chik rech ri taqom unimaxik ri’.