Pa le Ministerio rech Gobernación rech Iximulew ri’, eri Unidad rech Prevención Comunitaria rech ri k’ax (UPCV) rech ri Tercer viceministerio rech Gobernación ri’. Eri jachakub’al ri’ are ri’ jun chi ke uq’ab’ ri taqawokajnem ri kachakun chi rij q’atenik ri k’ax ri’ xuquje’ are utaqim  ri b’anoj k’ax ri’.

Eri Unidad rech Prevención Comunitaria rech ri k’ax  are la’ ri Unidad Especial rech Ejecución ri’, rech utaqim upatanaxik ri ch’ob’otal chak, ri cholchak rech ri prevención comunitaria rech ri k’ax, chi ke ri upatan ri’ are kuchakuj ri kajmanem chomab’al tinamit che ri q’atatal chik rumal ri Ministerio rech Gobernación,  are rech kupatanij rech kuwa’lisaj ketatab’enik ri winaqil pa taq le komon winaqilal, pa uq’ab’ tinamit xuquje’ pa le nima’q tinamit ri’; ruk’ wa’ are tajin kakitzukuj uwa’lijsaxik jun uk’aslemaxik unab’ejsaxik ri q’atenik b’anoj k’ax ri’ xuquje’ rech kak’amsan chi ke ri winaqil rech kakiya’ loq utzijol ri k’ax kakilo kab’anik.

Xuquje’ e pa le rulewal tinamit Chuwi’meq’ina’ ri’, chi’ k’ut katerenb’ex wi ub’anik ri q’atenik ri k’ax, k’a pa le upatanib’al ri Gobernador Departamental ri’, eri delegado Departamental rech ri (UPCV) ri’, chi’ xmolin wi ruk’ ri Gobernador Departamental Jorge Mario Cabrera, rech xkitzuj uchomaxik k’i uwach chak ri’ are la’ qas chi rij ya’el uchuq’ab’ ri chakunem che ri rajwaxik kab’an pa le wajxaqib’ chi uq’ab’ tinamti rech pa juyub’ tinamit ri’.

Eri Juan Carlos Carrillo, ajpatanel rech ri Unidad rech Prevención Comunitaria rech ri k’ax ri’ xub’ij:  “Eri riqb’alil ruk’ ri gobernador are la’ rech pa komon kachomaxik ukojik ri Comisión Departamental rech Q’atel k’ax ri’, xuquje’ are la’ pa komon rajwaxik kab’an ri’ rech are la’ kab’an pa le wajxaqib’ uq’ab’ tinamti rech ri Rulewal Tinamit rech Chuwi’meq’ina’ ri kekoj pa le b’anoj chakunem ri’.”

Eri komonb’al ri’ eri b’anoj riqb’alil kub’ano rech ri Consejo Departamental rech Desarrollo (CODEDE) xuquje’ rech kuk’am ub’anik wari’ pa nik’aj kuwach taqawokajil rech uq’atexik ri b’anoj k’ax pa rulewal tinamit ri’ are wari’ jun chik uwach ri xkoj pa chomanem riqb’alil ri xb’antaj ruk’ le gobernador ri’.

 “Sib’alaj utz b’a’ are jun ri Delegado rech ri UPCV ri’, rumal k’ut are la’ kuya’ uchuq’ab’ ri chomanem chak kub’an ri Gobernación Departamental rech Chuwi’meq’ina’, xuquje’ eri uj runimal che ub’anik ri chak chomatal chik kab’anik ri’ pa ub’antajil wiri’, are la’ utaqim ri chomab’alr ech q’atel ri k’ax ri’, rech pa komon uchakuxik kab’an kuk’ taq ri taqawokajilal xuquje’ ri winaqilal rech kuya’ uchuq’ab’ ri chakunem ri’, ri utzijob’exik kumal ri q’atb’al tzij xuquje’ ri tinamit ri’ are wa’ rech k’o pa jikomal ri b’anoj q’atanik pa rulewal tinamit ri’”.

Eri xub’ij ri Jorge Mario Cabrera Gobernador Departamental ri’.
Kojtajin k’ut che unimaxik ri xtaq loq ub’anik rumal ri Ministerio rech Gobernación xuquje’ rumal ri Taqawokaj Patanelb’ Amaq’ Iximulew ri’ pa le ub’anik ri chakunem rech Prevención Comunitaria rech ri k’a ri k’a pa jujun taq gobernaciones ri’.