Eri Ministro de Gobernación, David Napoleón Barrientos, ri Viceministro rech Seguridad, Carlos Franco Urzúa, ri K’amal b’e rech PNC, Héctor Hernández xuquje’ rajtaqanel ri wokajil e’ajchajil tinamit, xek’oji pa le uloq’oq’exik ri reqa’lenl ri Gudian Quiroa Pérez, pa le nimarachoch ri Wokajil Ajchajil Tinamit ri’.

Eri Quiroa Pérez, kuk’ ri rachib’il rech ri comisaría 16 ri’, xe’opan che rilik jun sik’inem xok pa le 110 ri’, pa Ciudad Peronal, Zona 8 ri’, chi la’ k’ut eri nik’aj pandilleros aretaq xe’opan ri e’ajchajinel chi’ xkik’ul chi k’aqb’alil ri’, rumal ri’ xkam chi la’ k’ut.
Rumal ri’ ei taqawokajnel rech Ya’olchajinem pa Amaq’ ri’ xub’ij katajin ri utzukuxik uwach ri jun b’anoj k’ax ri’ che ri xkam wi jun chi ke ri qachib’il ri’, “k’ax ri’ xaqana’o ri k’ax xk’ulmataj ri’ rumal ri’ k’o ri qatob’anik che ri tzukunem katajin ri’, rumal ri’ kaqaya’ ronojel qanima’ kuk’ ri rachalal ri xk’am ri’”.

Eri Quiroa ri are k’o jo’ob’ junab’ chik katajin che chakunem pa le PNC ri’, eri rachib’il rech ri comisaría 16 ri sib’alaj kakoq’ej xkam ri are ri’. Eri ralawaxl ri reqa’len ri PNC ri’ xk’am b’i chi la’ pa Pajapita, San Marcos ri’.