Rumal k’ut e k’o ixoqib’ e’ajchak naj junab’ chik ketajin pa chakunem pa le Nimarachoch ri Taqawokajnem rech ri Ya’olchajinem pa Amaq’, eri Ministro rech Gobernación kuk’ ri viceministros xkikoj setna’tib’al rech keloq’oxik cho taq kik’u’x ri’, rech te k’u ri’ xya’taj jun nim rutzil kuwach ri loq’ taq ixoqib’ pa le kiq’ij xk’ul uwach kiq’ij pa we q’ij kamik ri’.

 “Qastzij b’a’ kuchap wanima’ kenuwil pa le videos ri’ che ri kak’ut wi che ri ixoqib’ ri’ e are e’ajya’el k’aslemal ri’, are xeya’ chi uwachlew rumal ri Qajawixel, qonojel k’ut uj alaxinaq kuk’ ri’, rumal ri’ we q’ij kmaik k’o nim upatanib’al ri kiq’ijol chi kuwach ri tinamit winaqil pa uwachulew ri’”, xcha’ ri Ministro.

Xub’ij chik che e are k’o nimk kipatanib’al pa tinamit winaqil rumal tajin kak’extaj kib’ pa le kik’aslemal ri’ we kechakun k’ut rumal k’o rajwaxik kakich’ak ri kipwaq ri’ rech kakitzuqu kib’, xuquje’ rumal ri’ panik’aj chi ke ri e’ajchak pa le Ministerio ri’ e ixoqib’.

Eri ixoqib’ ri’ keriqitaj pa chajinem ri’, are chi’ keb’e pa kachoch k’o ri kakichakuj chi la’ k’ut, man je ta ri’ ri achijab’ ri’ rumal k’ut xaq xu’ wiri’ keb’e pa chakunem ri’ xuquje’ ke’uxulan ri’ are chi’ keb’e pa kachoch, rumal ri’ eri Ministeri rech Gobernación xaq ta kuk’owisaj tane’ we jun q’ij kamik rech b’it tane’ kanimaq’ij ri’, rumal ri’ xb’an ri kanimaq’ij ruk’ jun nim ki’kotemalil.

 “We q’ij kamik are nim upatanib’al ri’ xuquje’ qastzij b’a’ ronojel q’ij are rech kiq’ij ri ixoqib’ ri’, eri e are ri’ tajin kakil ri kal, eri kichak kaib’an kamik, xaq are jun q’ij rech kak’ut chi kuwach ri tinamit ri kiq’ijol ri’, rumal ri’ rajwaxik b’a’ kaqaya’ ronojel qaloq’ob’alil chi ke ri’, kaqaya’ qanima’ chi ke ri’, rajwaxik keqaloq’oj ri’, rumal k’ut sib’alaj kechakunik xuquje’ e’ajtzuqul kech ri kal pa ronojel taq q’ij ri’”, xcha’ ri Barrientos Girón.

Sib’alaj kinki’kotirsaj kuwach ri ixoqib’ ri’ rumal kechakun pa le Ministerio ri’, maltyox ronojel kanima’ kechakunik, ruk’ kino’jchakunik ri’ xuquje’ ruk’ ronojel kanima’ kakib’an ri kichak ri’, are wa’ sib’alaj kiq’ansaj uwo kiq’ij ri’ rumal k’o jun nim retal kipatan kiya’om naj junab’ chik pa le taqawokajnem ri’, eri jun xetna’tib’al xinkoj chi ke are la’ retal e loq’ pa le kichakunik ri’, kiya’om ronojel kanima’ che ri kichak kitaqkil pa naj junab’ chik, xcha0’ ri taqawokajnel rech ri Ya’olchajinem pa Amaq’il.

Rumal ri’ eri Viceministro rech Q’atel k’ax, Ronald Portillo Cordón, xub’ij che ya’om uchuq’ab’ ri b’iw ub’ixik b’anoj taq k’ax ri’, xuquje’ are rech kakich’ob’ ri e are uwach taq ri b’anoj k’ax chi ke ri’, jeri’ ri b’anoj kichakunik pa l eUnidad rech Género rech ri Ministerio ri’ rech kab’an pa komon ri chakunem pa taq ri uq’ab’ taqawokajnem ri’ rech kepixb’ax chi rij ri ya’talil chi ke ri ixoqib’ xuquje’ rech uq’atexik ri b’anoj k’ax chi ke ri’.

Xub’ij chik che ri b’anoj chakunem pa komon ri’ xuquje’ ri b’anoj chakunem kumal taq ri jachakub’alil rech ya’olchajinem tzukunik ri’ rech kachakux uwach ronojel ri cholchak, ri cholq’axb’al chak xuquje’ b’iw ch’ob’otal chak rech q’atenik ri b’anoj k’ax ri’ xuquje’ rech kab’an rachb’ilaxik kumal ri qachib’il reqa’lenel ri Wokajil Ajchajil Tinamit ri’, rech pa amaq’el k’ut kek’oji pa nimanem xuquje’ pa chajinem winaqil e ixoqib’ ri’.