Sib’alaj tajin ya’olchajinem tzukunik pa we amaq’ rech k’o kub’sib’al k’u’x chi ke ri winaqil e aj iximulew xuquje’ rech uq’atexik ri b’anoj k’ax ri’, rumal ir’ eri reqa’lenel taq ri jalajoj jachakub’al rech ri Wokajil Ajchajil Tinamit (PNC) xuquje’ rech ketajin che upatanaxik ri Plan rc h Seguridad xuquje’ Control fase VII pa kik’olib’alil winaq rech Villa Nueva ri, pa Amatitlán, pa Boca del Monte xuquje’ pa Villa Canales ri’, Iximulew ri’.
Eri nab’e viceministro rech Gobernación, Carlos Franco Urzúa, xub’ij ri’, “Eri ub’anik uwach ri Plan Operativo 05-2022 ri’ are la’ rech kub’an ri ya’olchajinem tzukunik xuquje’ rech q’alan b’anoj k’ax pa taq k’olib’alil che ri qas kab’an wi k’ax chi ke winaq, are rech taqim uq’atexik ri b’anoj taq k’ax ri’ xuquje’ rech uq’atexik ri q’axenik jastaq awan kunb’alil maj pa usaqil ri’”.
Pa le b’anoj ya’olchajinem ri’ pa komon ub’anik kumal ri tzukunelab’ xuquje’ kumal ri unidades especializadas rech PNC, xta kiwujilal ri winaqil ri keb’in pa taq ch’ich’, chi rij taq kejach’ich’ ri’ xuquje’ pa taq le ch’ich’ rech erelwinaq pa tinamit, rech tajin katzukuxik nik’aj winaq che ri kib’anom k’ax ri’.
Jeri’, xkib’an puqchajinem xuquje’ xkiwa’katej ri ya’olchajinem pa taq ri k’olib’alil kab’an wi k’ax ri’.
Rumal ri’ eri nim patanel ri’ sib’alaj xub’ij k’o nim upatanib’al rech katzuj loq pa le ch’a’wib’al 110 ri’ rech ri PNC, rumal k’ut are la’ kub’an chi ke ri wokajil ajchajinelab’ keb’e pa aninaqil che uq’atexik b’anoj taq k’ax ri’.