Eri tercer viceministro rech Q’atel k’ax ri’, Ronald Portillo Cordón, ruk’ ri embajador Mnaoj Kumar Mahopatra, xetatab’enik pa le ub’anik ri kak’al lajuj ujunab’ kutz’aqatisaj ri k’amoj tzijob’enik chi kuwach ri India xuquje’ Iximulew ri’. Eri nimaq’ij ri’ are xb’antaj iwir pa le Nimaja Efraín Recinos rech ri Centro Cultural Miguel Ángel Asturias.
Pa le nimaq’ij ri’ xk’utik ri Danza Clásica India (Kathak), ri are tajin uk’utik chi ke ri ixoqib’ pa jalajoj upetib’al pa kik’aslemal ri’.
“Eri uj xaqilo jun k’utb’al rech ri umeb’il uq’inomal rech uno’jk’aslemal le nimaitnamit le’, ri kuk’ ri k’o jun nim tob’anem kiya’om loq rech kapatanaxik ri Q’atel k’ax pa taq ri tinamit rech Iximulew ri’”.
Eri tob’anik kiya’om ri’ are ri’ ri chakub’alil cinematográfico ri’ rech pa joremal ri k’amoj ib’ riqoj ib’ chomanem kuk’ ri winaqilal ri’.
“Sib’alaj kaqatzukuj ri katob’anik ri nimatinamit le, rech uterenb’exik ri cholchak rech b’anoj usaqab’isaxik uwach ri’ rech kab’an ri k’iyemalil kuk’ ri jalajoj taq winaqil tinamit ri’”, xcha’ ri Portillo Cordón.
Rech kak’is b’a’, eri patanel winaqixel are xsik’ixik rech xutzijo ri Lámpara India, ech kuya’o jun nim saqil joremal ri’.