Taqij unimaxik ri xutaq ub’anik ri ministro rech Gobernación, David Napoleón Barrientos, rumal k’u ri’ eri reqa’lenel ri División Especializada rech Investigación Criminal (DEIC) rech ri Subdirección General rech Investigación Criminal, ri’ rech ri Wokaj Ajchajin Tinamit (PNC) xkichap loq e kajk’al chi e ajb’anol k’ax ri’ pa le kajlajuj q’ij pa le juk’al jun q’ij rech mayo rech pa junab’ ri’.
Xechapataj k’u ri’ pa le juk’al kajib’ tzukunem xb’antajik pa kachoch nik’aj pandilleros xuquje’ e ajk’ayin awan kunb’alil.
Xk’am b’i jun al pa q’atb’al tzij kech ak’alab’, e juk’al keb’ e ajpache’ chi ke, jun q’apojil xk’am b’i pa le Procuraduría General rech ri Amaq’il (PGN) xuquje’ keb’ xek’am b’i pa Migranción rumal maj kiwujil xeriqitaj loq.
Pa nik’aj chik tzukunem
Eri q’atb’al tzij xkib’ij che xeriqitajik jo’ob’ chi k’aqb’alil, 20 ub’aq’ k’aqb’alil, kajib’ bilob’al ub’aq’ k’aqb’al, juk’al wuqlajuj chi ch’a’wib’alil, oxib’, chi ch’ich’, keb’ taq k’olib’al rech marihuana, jun rech cocaína xuquje’ Q 2424 chi pwaq ri’.
Eri e ajchajil tinamit xkik’ut kajilab’al ri xechap pa taq tinamit ri’: pa Suchitepéquez, Investigación Criminal, Mixco, pa Iximulew; Sacatepéquez, Chimaltenango, Jutiapa, Izabal, Santa Rosa, Jalapa, Quetzaltenango, Alta Verapaz xuquje’ pa Villa Nueva ri’.
Eri wokaj e ajchajil tinamit tajin kakib’an q’atenik ri’ rech kakichap loq nik’aj e ajb’anol k’ax xuquje’ tajin kakiterenb’ej ri k’ax kib’anom chi ke ri winaq ri’.