Eri ministro de Gobernación, David Napoleón Barrientos, junto al tercer viceministro rech Q’atenel B’anoj k’ax ri’, Ronald Portillo, xek’oji pa jun Ukab’ NImriqb’alil rumal ri Comisión Nacional rech Q’atenel ri B’anoj K’ax ruk’ K’aqb’alil ri’.
“Are wa’ jun nim uwach chomanem ri’, rumal k’ut sib’alaj tajin b’anoj k’ax ruk’ taq k’aqb’alil ri are la’ maj pa usaqil, rumal ri’ xojsik’ixik pa jun riqb’alil rech xya ub’ixik chi la’ ri chakum chik pa le lajuj riqoj ib’ b’anom ri’, ronoel wari’ are la’ xutaq ub’anik ri Ministerio rech Gobernación (Mingob) ri’”, xcha’ ri taqawokajnel rech ri ya’olchajinem pa Amaq’.
Xub’ij chik che are k’o nim upatanib’al kak’am apanoq jun wokajil pa le Mingob ri’, eri xilotaj uwach chi rij ri’ are la’ rech kuya uch’ob’ik ucholajil xuquje’ rech kak’am uq’ab’ rech kab’an utz ch eri uchomaxik ya’el utzile chi ke ri winaqil e aj iximulew ri’.
“Sib’alaj k’o nim upatan kato’ik ri jujun ritzelal k’o ri’ pa jujun taq komon chomanem ri’ rech kaqaq’axe’ juntir ri utzijolil pa taq ri k’amoj ub’e ri Mingob ri’, rech kab’an uchomaxik uwach ri jujun taq ch’ob’oj chi rij ri’, “ xcha’ ri Barrientos Girón.
Pa le riqb’alil xya pa k’utem ri xchomaxik pa le komon taq chomanem ri’ chi rij uq’atexik ri k’aqb’alil ri’, xuquje’ chi rij ri ub’e’al chakunem ruk’ ri Comisión rech Asuntos rech Seguridad Nacional rech ri Amaq’il ri’, ri xk’ex wi uwach ri Decreto 15-2009 “Taqanem rech K’aqb’alil ri’” xuquje’ ri xtzijob’ex wi ri ch’ob’otal taqaem rech Q’atenik Ukojik K’aqb’alil ri’.