Rech kunimaj ri xutij ub’ixik rumal ri K’amol b’e rech ri Amaq’ Bernardo Arévalo, eri Wokaj K’amoj Ub’e Iximulew ri’ pa le uchakunib’al ri Ministerio rech Gobernación (Mingob), xuya’ ub’ixik resaxik uwach ri jun Acuerdo Gubernativo 320-2023, pa le k’ak’ Acuerdo Gubernativo 24-2024, xutaq utzijolixik pa 19 rech enero, pa le Diario de Centro América (DCA) ri’. Eri xutaq ub’anik ri’ k’o pa le utaqib’alil nimab’al rech kachakux pa q’atan chakunem, rech kab’an pa usaqilem, pa ujikomal, pa utzilem xuquje’ rech kutz ub’antajil, rech utaqim pa kub’al utzilem ukojik ri jastaqil meb’ilem xuquje’ ri nimab’al pa tinamit.
Ruk’ ruk’ ri taqanem b’anonik ri’ kesaxik ri ajchajinelab’, ri ch’ich’ xuquje’ jastaq rech ri organismo Ejecutivo che ri ya’om chi ke patanelab’ xek’oji kanoq jeri’ chi ke ri kachalalil rumal man k’ot pa rajwaxik usuk’alil ya’om kachajixik, are xtaq ub’anik are chi’ xk’is uch’ob’olil. Sib’alaj k’o nim upatanib’al kaya ub’ixik ucholaj che man k’ot pa ri utzilal ya’om ri chajinem ri’ rumal ri Amaq’.
Eri k’ak’ nuk’taqanem ri’ are kub’ij che kab’an jumulaj chi taqanem ri’ rech are kato’ik uwi ri jastaq meb’il chakub’al, xane are rajwaxik kechajixik ri patanel che ri e k’o che ministro, viceminstros xuquje’ e k’amol taq b’e rech taq uq’ab’il ri Taqawokajnem rech ri Ya’olchajinem pa Amaq’, kuk’ ri rajk’amol taq ub’e ri Wokajil Ajchajil Tinamit (PNC), rumal k’ut rajwaxik keta’ik chi uwach taq ri k’ax kape chi kij rumal e k’o che ri keqale’nib’al ri’.
Xuquje’ eri Mingo pa uchak rejqele’m ri K’amol b’e rech ri PNC, kuk’am uq’ab’il ri ejqele’mtzij rech are kechajixik ri winaq e ajpatanel che ri xya ub’ixik ri’, rumal k’ut e are qas uterenb’em kij ri’ maj je te ri’ ri xek’oji che kipatan. Eri K’amoj Ub’e ri PNC k’o jun nim uchakunik kub’ano pa le uchomaxik uwach taq ri nimab’al ri rajwaxik rech kakichomaj rumal ri k’ax ri k’ax, rumal ri’ kakiq’at ukojik ri b’anon ya’olchajinem chi ke e ajpatanel ri’.