Eri Wokajil Ajchajil Tinamit e Q’atenel ri Pandillas (Dipanda) rech ri Wokajil Ajchajil Tinamit (PNC) pa uto’ik ri Ministerio Público (MP) xub’ij pa nab’e q’ij pa le 26 rech enero rech 2024 xechapataj e 24 chi ixoqib’ e ajtoq’il pwaq rajil xuquje’ kawinaqil ri maras ri’.
Jeri’ xchapik xk’am b’i jun ala pa Q’atb’al Tzij Kech Ab’omab’ Alitomab’ ri Keniman Ta Tzij, rech kachomax chi la’ k’ut.
Eri q’’atb’al tzij rech ri Dipanda xkiya utzijol ub’ixik chewe chanim k’ut e chapom chik 137 chi winaqib’ e uwinaqil ri pandillas rech ri Barrio 18, ri Mara Salvatrucha (MS) kuk’ nik’aj e jo’sanel e ajesal kachib’al nik’aj chik, che ri kesam pwaq rajil chi ke ri winaqib’. Rumal ri b’anoj k’ax ri’ e k’o k’i winaqil e kamisam rumal man xkitojtaj ri pwaq xtoq’ix chi kech.
Tzukun awan jastaq
Paq’ij jueves ri’ k’o jun tzukun awan jastaqil xb’an pa le Granja Modelo rech Rehabilitación Pavón, k’o pa Fraijanes, Iximulew, chi’ k’u ri’ eri ministro rech Gobernación, Francisco Jiménez, sib’alaj xuya’ ub’ixik rumal ri’ xb’an ri tzukunem pa taq ri japache’.
Eri tzukunem ri’ are xb’an kumal reqa’lenel ri PNC, rumal ri rajchajinelab’ Dirección General rech ri Sistema Penitenciario (DGSP) xuquje’ ri MP, ruk’ rachb’ilanik ri Procuraduría rech ri Derechos Humanos ri’.
Rumal ri’ eri q’atb’al tzij xkib’an jun sik’ininem ub’ixik chi kech ri winaqilal rech chakib’ij taq utzijol ri’ pa le 110 xuquje’ pa le 1574 ch’aweb’al rech antiextorsión, chi la’ k’ut ke’achb’ilax wi kumal ri e ajtzukno’jchak rech kakiterenb’ej utzukuxik ri b’iw b’ixik ri’.