Eri Ministro rech Gobernación, Francisco Jiménez, xmolin kuk’ ri diputado José Alberto Chic Cardona, rech xechoman chi rij ri ya’olchajinem xuquje’ ri taqanoninem pa Iximulew. Eri riqon ib’, are xb’an pa le keb’ q’ij rech febrero pa le uq’atanik upatan ri Taqawokajnel rech ri Ya’olchajinem pa Amaq’, xubb’ij k’ut che arech xchomaxik ri ya’olchajinem rech uto’ik ri kik’aslemalil ri winaqlal ruk’ ri kijastaq meb’il pa tinamit.

Pa le riqon ib’, eri taqawokajnel rech ri Ya’olchajinem pa Amaq’ xub’ij chi k’o nim upatanib’al uya’ik uchuq’ab’ ri k’amq’ab’chak kumal ri K’amol B’e Amaq’ xuquje’ ri Ajtaqonib’al pa Amaq’, man xaq rech kakichomaj ri taqonib’alil, xane’ rech kab’an ri jikom solinem patanem pa tinamit.

Xuquje’ xub’ij che ri chajinem kumal ri ajtaqonib’al pa tinamit nim upatanib’al pa le b’anon ya’olchajinem. “Utz petem la chi’ nimatat ajtaqoninel, eri uj kaqaj k’ut kuchakunik pa le b’anon taqonib’alil xuquje’ kaqaj k’ut jaqatil ri qatzij rech kujtzijon chi rij ri b’anon ilonem umal alaq’ pa le taqawokajil ri’”, xcha’ ri Jiménez.

Rumal eri’ eri Ajtaqoninel Chic xub’ij che ri kib’i pa le solin chakunem ri’ are rech kab’an ri rilik ri nim uwachil ri chajinem winaqil pa tinamti rech k’o jun nim rutzilem ri’. Xurilo xuch’ob’o che ri Ministro ri’ k’o nim ranima’ che upatan ri upatan jacha ri tzukunem pa japache, ri kaq’atexik ri nik’aj molaj b’anol k’ax kakitoq’ij pwaq, jeri’ rech xutoq’ij ub’ixik che rajwaxik qas kacha’ik kuwach ri Wokajil Ajchajil Tinamit (PNC) rech ke’esax b’i ri eqa’enel e Itzel ri’.

Pa le riqon ib’ chi kuwach ri keb’ nim patanelab’ ri rech K’amal B’e Amaq’ ruk’ ri Ajtaqo’ninel pa tinamit, rech kakichomaj uq’atexik ri k’ax kub’an chech ri Iximulew, arech qas kab’an rutzillal xuquje’ ri chajinem winaqilal ri’.