Eri Viceministra rech Seguridad, rech ri Ministerio rech Gobernación (Mingob), Claudia Palencia, xub’ij eri tzukunem tajin pa rachoch ri japache’ tz’apib’al k’o pa tinamit, are la’ xuya nim utzijol ri’ rech xb’antaj kowonem xeq’atexik ri molaj e ajtoq’inel pwaq, ri kakisik’ij panoq ri winaqil rech kakitoq’ij pwaq ri’.

Xuquje’ xub’ij eri q’atb’al tzij rech ri K’amal B’e Amaq’, pa reqele’n ri Mingob, tajin ri puqchajinem tzukunik pa rachoch ri Japache’ Tz’apib’al (SP). “Eri tzukunem ri’ man junam ta ub’anik ruk’ ri b’anom kanoq rumal ri’ k’o jun nim rutzilal tajin kub’an, pa le uriqik taq ch’aweb’alil eqam ruk’ nik’aj chik awan jastaq. Rumal ri’ xq’alajinik chi k’o jun nim q’atenik xb’an ri’ rumal ri b’iw utzijol ub’ixik ri toq’inik pwaq ri’ are la’ k’a xaqamajo ri nim tzukunem pa le rachoch ri japache’ tz’apib’al, jacha ri k’o pa le qacholchakunik”, xcha’ ri al Palencia.

Rumal k’u ri’ eri nan taqawokajnel ri’ xub’ij eri winaqilal rajwaxik kakib’ij loq utzijol pa le 110 kuk’ ri Wokajil Ajchajil Tinamit (PNC) rech ub’ixik loq utzijol b’anoj k’ax pa kaq’ab’ ri ajchajin tinamit; xuquje’ pa le 1574 kuk’ ajq’atenel ri  e ajtoq’il pwaq, jeri’ pa le División Nacional rech Qa’tenik taq Pandillas (Dipanda) ri’.

Ri kakesaj kachib’al elaq’omab’

Ri nimanan patanel ri’ xub’an jun kasik’ixik ri winaqilal e aj iximulew rech xub’ij ri’ xaq mejo’jsax kumal nik’aj winaq che ri kakib’an kachib’al e pandilleros ri kib’i’ kab’ixik “imitadores” ri’.