Pa le nim uq’atexik ri b’anoj k’ax pa Iximulew, eri reqa’lenelab’ ri Wokajil Chajin Tinamit (PNC) xkib’a k’i tzukunem pa juntir rulewal qatinamit, rumal ri’ xkichap uloq e 53 chi winaqil ri jalajoj uwach b’anoj k’ax xkib’ano kab’ixik, xriq waqxaqib’ chi k’aqb’alil xuquje’ ruk’ kajib’ chi kejach’ich’ ri kab’ixik xa’ e eleq’am b’i.
Pa jun tzukunem xb’anik xchap wi uloq jun achi ub’i’ a Lorenzo Manuel Ya Chávez, 59 ujunab’, pa le Aeropuerto Internacional La Aurora (AILA), zona 13 rech runimal nimatinamit. eri jun achi ri’ xraj umaj b’enam rech kab’e pa Los Ángeles, California, Estados Unidos, reqam b’i pa uk’olib’al reqam 262 mil 050 upwaqil qatinamit, ruk’ 550 pesos mexicanos xuquje’ ruk’ 4 mil 180 dólares americanos ri maj xuq’alajisaj ta ub’ixik.
Xuquje’ pa jun aninaqil q’atenik kumal ajchajil tinamit xb’antaj kowonem xchap uloq jun achi ub’i’ a David Moisés Ruiz, 19 ujunab’, alias “El Moy” ub’i’, pa le asentamiento Candelaria, El Limón, zona 18 rech rulewal nimatinamit Iximulew. Eri jun a Ruiz ri’ are kab’ixik xub’an jun k’ax k’aqanem xuquje’ ri xriq jun k’aqb’al ruk’ pa jun puqchajinem q’atenik.
Eri wokaj chajin tinamit xuquje’ xkiriqo 164 mil 984 rajilab’al uxaq coca ri utz chik kechexik kakojik xuquje’ xporox jun tiko’nib’al rech 50 mil chi satajil pa le aldea Sexán, El Estor, Izabal ri’. Eri awam tiko’nib’al ri’ eri rajil are Q1 millón 649 mil 840 upwaqil qatinamit.
Eri b’anoj kemonchak kmal ri wokajil chajin tinamit kuk’ ri winaqilal ri’ are la’ xub’an nim upatanib’al rech xb’antaj kowonem xriqitaj wari’. Eri q’atb’al tzij sib’alaj kakaj eri winaqil rajwaxik b’a’ kakiya utzijolil pa le 110 rech ri PNC, pa le 1561 pa Crim Stoppers xuquje’ pa le 1574 pa antiextorsiones ri’.