ErI b’anoj chak tob’anem pa komonb’al, k’o jun utzilaj ub’anik ri’ pa le nab’e uwach ri “Plan Control Territorial”, ri e taqom pa le k’ulb’a’til ruk’ México, ri utaqim uwach pa San Marcos, Chinab’jul xuquje’ Quiché. Jeri’ xkib’ij ri Ministro rech Gobernación, Francisco Jiménez xuquje’ ri Rajtaqanel ri Estado Mayor rech ri Defensa Nacional, Carlos Antonio Medina, pa le keb’ q’ij rech mayo pa jun nuk’tzijolinem xb’an pa le nima rachoch ri Taqawokaj Ya’olchajinem pa Amaq’.
Re jun xopan chi’ ri Viceministro Antinarcóticos, Werner Ovalle xuquje’ ri Director General rech ri Wokajil Ajchajil Tinamit (PNC), David Custodio Boteo. “b’anom chik 845 chi puqchajinem tzukunik xuquje’ 137 chi b’anoj tzukunem kumal ri 16 mil chi reqa’lenel ri PNC pa komon ruk’ ri Wokajil Ajchajil Amaq’ Iximulew. Xaqanimaj unimaxik ri ub’anik ri K’amal B’e Amaq’ Bernardo Arévalo, rech kab’an ri chajinem pa k’ulb’a’t juyub’ pa amaq’il”, xhca’ ri Ajtaqol Chajin Tinamit, Francisco Jiménez.
Eri q’atenik ri narcotráfico b’anom chik, chi rij wari’ eri Viceministro Ovalle, sib’alaj xuya utzijol che xtaq kitzijol e 102 mil 917 chi winaqilal xuquje’ k’o 71 mil 181 rajilab’al uwujilal taq ri ch’ich’ xya’taj ri’. “Xuquje’ xechap e kajk’al waqxaqib’ chi winaqil ri taqom kichapik, k’o 23 mil 500 tiko’n awan kunab’al xporoxik xuquje’ k’ 3 mil 400 chi solinik xb’an kumal ri bragadas militares xuquje’ kumal e ajchajil tinamit”, xcha’ ri Ovalle.
K’ak’ solb’anoj chajinem
Eri q’atb’al tzij rech ri Mingob xkib’ij che pa keb’ oxib’ qij ri’ eri Ukab’ Solb’anoj Chajinem Kab’an pa Rulewal Tinamit pa juyub’al tinamit rech Izabal, Zacapa xuquje’ Chiquimula ruk’ jun katob’anik ri 940 chi reqa’lenel ri PNC. Eri cholchak ri’ k’o uwach xub’ano pa le nab’ usolb’anem. Ruk’ wa’ are kaya uchuq’ab’ ri chajinem pa le frontera oriente rech Iximulew xuquje’ pa taq ri k’ulb’a’til ruk’ Honduras xuquje’ el Salvador.