Pa wajxaqib’ q’ij rech mayo, pa le Ja Kunanib’al Yowab’ rech ri PNC xjaq wi uwach pa kaqiq’ rech kacholajisaj utzib’axik kib’i’ ri e yowab’ xuquje’ rech pa chaq’ijil q’ij kesik’ixik rech kekunaxik ruk’ are toq’im kikunaxik ri e ajchajinelab’ pa le Subdirección General rech Salud Policial ri’. Pa le riqow ib’ chomanem ri’ xopanik ri Viceministra rech Seguridad, Claudia Palencia; ri viceministro rech Tecnología rech ri Comunicaciones, William Cameros; ri Viceministro Administrativo, Felipe Sánchez; ri Subdirector General Adjunto, Helbert Beltetón; ri Subdirector General rech salud Policial, Beder Fuentes, xuquje’ ri Comisionado Presidencial rech Gobierno Abierto, Eddie Cux.
Eri Viceministra Claudia Palencia, xub’ij, “Eri b’anoj chak ri’ are la’ sib’alaj utz ub’anik kab’an ri’ rech pa le kaloq’axik ri e ajchajil tinamit. “Are niman chak ri’ are la’ rech kub’an utz chi ke ri e ajchajil tinamit che ri kakiya kib’ pa kamikal, rech utz ri niman chajinem kakib’ano xuquje’ rech k’o utz taq tob’chakub’al kakoj pa le Hospitalito ri’”, xcha’. Are nim upatanib’al kab’ixik che ri ja rech kunanem are kub’an kikunaxik ri e ajchajil tinamit kuk’ ri kachalalil e k’o pa kachoch are chi’ kakita, xkub’isaj ub’ixik ri Beder Fuentes, Subdirector General rech Salud Policial ri’.
Eri viceministro rech Tecnología rech ri Comunicaciones, William Cameros, xub’ij chi k’o nim uptanib’al ri kipatan ri e ajchajil tinamit chi’ pa le cholchak rech transformación policial rech utz chi ke reqa’lenel ri PNC. Eri q’atb’al tzij rech ri Mingob xuquje’ ri rajtaqanel ri ajchajil tinamit xkib’an jun nim wa’kateb’al pa le rachoch ri hospitalito rech PNC rech kab’an usolixik ri kichak kakib’an ri e ajchajinel.