Pa kajib’ ik’, eri reqa’lenel ri Departamento rech Emisión rech Antecedentes Policiales rech ri Wokajil Ajchajil Tinamit (PNC) e k’o e juk’al waqxaqib’ chi winaqib’ xkichap pa taq ri chakuja ri’ k’o pa taq tinamit Amaq’, pa runimal rachoch ri chakuja k’o pa zona 9 ri’, e chapom chik e 70 chi winaqilal ri are rumal taqom kichapik rumal b’anoj taq k’ax ri’. Rumal ri’ eri xechapik xek’am b’i pa taq ri q’atb’al tzij chi rij taq ri k’ax xkib’ano.
Eri kajilab’al ri winaqil xe’opan che resaxik ri wujilal, k’o 177 mil 310 xjach ri’ xuquje’ e k’o 495 mil 206 chi wujilal xjach pa uwachwuj utaq’ik pa kaqiq’.
Eri winaq ke’opan che resaxik ri wujilal ri’ rajwaxik kakijach ri uwuj ri’:
* Ri wujilal rech Tzijol ri Winaq ub’i’ (DPI) ri k’ate resam
* Ri wujil rech katoj Q30 ri’ pa ja k’olime’r ri b’im
* We xatzaqq ri awujil DPI, rajeaxik kajach ri wujil rech jun chik
Ucholaj uta’ik resaxik kiwuj ri winaq naj kepe wi
* Rajwaxik ri wujil ruk’ rachib’al ri wujq’axeb’al
* Rajwaxik katoj Q30 chi pwaqil pa ja k’olme’r.
* Wexa’ k’ot ri kiwujil rech q’axeb’al ri’, are kuk’ut rachib’al rij ri’ ri are juch’um ub’ixik rumal ri jun abogador xuquje’ notario ri’.
Ri rajwaxik kakijach ri winaq e refugiado ri’
* Kakik’ut kiwujil rech kitzijol we e ri’j winaq chik ri e refugiado ri’, ya’om rumal RENAP ruk’ rachib’al ri wujil ri’
* Ri wuj rech katoj Q30 chi pwaqil pa le ja k’olme’r pa tinamit.
We are jun abogado xuquje’ notario kub’an kuta wari’
Are chi’ kab’an resaxik ri wujil rumal le abogado xuquje’ notario ri’, rajwaxik kujach ri winaq ri nik’aj tzijol, rajwaxik kujach wari’:
* Ri wuj rech colegiado activo ri’
* Ri Sello notarial
* Ri wujil DPI rech ri winaq kuta resaxik
* Rachib’al juch’um rumal ri ajchoq’e ri’.
Eri abogado ya’tal pa uq’ab’ chi job’ q’ij karesaj wi ri wujil antecedentes policiales ri’ ya’tal pa uq’ab’ rech karesaj k’i taq wujilal che jun q’ij ri’. Jacha kub’ij pa le Acuerdo Gubernativo 149-2020 artículo 7, rech resolución 159-2020 artículo 2
E pa uwachwuj pa kaqiq’
Katoj pa le link: policiales.pnc.gob.gt
Katok pa le kub’ij “Crear usuario”, chi katz’ib’aj wi rajilab’al awuj DPI, ruk’ le q’ij rech awalaxib’al, ri acontraseña (rajwaxik katz’ib’aj pa nimatz’ib’, pa ch’uti’n tzib’ xuquje’ pa rajilab’al), ri acorreo electrónico xuquje’ ach’aweb’al. Te k’u ri’ kak’am uq’ab’il ri kutaq chawe.
Te k’u ri’ katok jumul chik pa registrarse, pa utuke’lil kutaq chawe waqib’ retal rajilab’al pa le bandeja rech spam xuquje’ pa acorreo man riyam ta awumal at, rajwaxik katok kub’ij wi check “Mi primer ingreso” ri’, te k’u ri’ rajwaxik chatz’ib’aj rajilab’ a DPI xuquje’ le claer atz’ib’am rech kujaq uwach le usuario.
Jeri’, rajwaxik k’o ri awuj rech katoj Q30 ri’ pa le ja k’olme’r pa qatinamit.