Eri ub’anikil ri ya’olchajinem tajin rumal ri Ministerio rech Gobernación xb’an utzijoxik rumal ri Viceministra rech Seguridad, Claudia Palencia, pa le foro rech ri Objetivos rech Desarrollo Sostenible 16, ri xtaq ub’anik rumal ri Organización rech Naciones Unidas (ONU) ri’. Eri ropanik ri Viceministra Palencia pa le riqob’al pa le nima wokajil ri’ xb’an pa le job’ q’ij pa le wajxaqib’ q’ij rech mayo, chi la’ k’ut xuya wi ub’ixik ri chak tajin kub’an ri Wokajil Ajchajil Tinamit xuquje’ ri Wokajil Japache’ Tz’apib’al.
Eri amaq’il Iximulew are chi’ xopan pawe Foro rech xuya utzijolil ri chajinem ub’anom pa kib’antajil ri jikomal wokajil kuk’ ri kik’amom ub’anik pa juntir, rech k’ax taj kakiq’alajisaj kuwach pa tinamit xuquj’ rech kukojik utz taq wokajil, ri e ajilonel xuquje’ ruk’ juntir kek’ejeb’ pa b’anob’al nimanem pa tinamit. Are chi’ xutzijon ri Viceministra, xuch’a’ kuk’ ri e ajchomanel nik’aj chik amaq’ib’ nimatinamit rech q’attaqanem ya’olchajinik, uwach ri’ ri tzijob’elil ri utz taq b’anonem ri k’o utzil uya’om.
Pa le utzijonik xu’an ri nan patanel xub’ij: Are k’o nim upatanib’al rech kab’an ukojik ri utz taq b’anonem are chi’ ke’ok k’ak’ reqa’lenel ri wokajilal, ri uterenb’ej rilik ri chak kab’an kumal ri reqa’lenel ri Wokajil Japache’ xuquje’ kumal reqa’lenel ri Wokajil Ajchajil Tinamit, pa le ukojik taq tob’chakub’alil xuquje’ rech jun ukojik k’ak’ k’ib’anoj rech ri inspectorías generales rech ri keb’ nima wokajilal rech ya’olchajinem”.
Xchomax kaq’atexik nik’aj chik k’axk’olil
Chi kuwach ri nik’aj chik e ajchomanelab’, eri Viceministra xub’ij ri are che katajin unimaxik uwach runimaxik ri ya’talil winaqib’ kech konojel ri winaqilal keriqitajik, xb’an le rilik uchomaxik ri tob’an uwach ri k’olem joremal xuquje’ ri suk’ub’alil. Ruk’ juntir b’a’ ri chakum pa le q’attaqanem amaq’il, xch’ob’ik chi k’o k’axk’olil ri’ rumal ri uk’amik loq k’aqb’alil maj pa usaqil, ri kiq’axenik winaq xukquje’ ri k’ax kape pa uwachwuj pa kaqiq’, “are la’ kumal jun uk’utik ri k’ax karaj kupetisaj pa taq nimatinamit, junam ruk’ ri poq’san ch’ajom pwaq maj pa usaqil ub’anik xuquje’ ri kiq’axexik winaq rech kilom ke’opan pa jun chik nimatinamit”.
Pa le xub’ij, pa le nima riqib’al chi kuwach ri nima chomanelab’ rech pa uwachulew, xub’ij che are chi’ katzijox ri k’olem joremal, ri suk’umalil xuquje’ ri jikom kib’anoj taq wokajilal, eri Objetivo 16 are ri’ ri uranch’ich’ kuya uchuq’ab’ ri Agenda 2030. Xub’ij k’ut eri b’anonem, ri tik’atal q’attaqanem wokajilal ruk’ ri b’anon choman tinamit, rajwaxik are rech kab’an unimaxik ri ya’talil winaqib’ ri’ rech qastzij b’a’ kak’extaj ub’antajil.