Pa 15 rech mayo ri’, eri reqa’lenel ri Sección rech Investigación contra Homicidios, rech ri Departamento rech Delitos Contra la Vida rech ri Wokajil Ajchajil Tinamit (PNC) xuquje’ kuk’ reqa’lenel ri Ministerio Público (MP) ri’ xkichap pa Petén e keb’ chi uwinaqil jun molaj b’anol k’ax kib’i’ “Los Ventura” xuquje’ “Siervos de Dios” ri’.
Rumal ri’ ri tzukunem xb’anik, k’a pa el 8 rech septiembre rech 2022, xtotajik kitzijol chi rij taq ri kamisanik xkib’ano, xek’oji ruk’ narcotráfico, xkiq’axe’j k’aqb’alil xuquje’ chom pwaq, kumal ri jun molaj b’anol k’ax kib’i’ “Los Ventura” ri xkib’an ri k’ax pa rulewal tinamit chi la’.
Eri nik’aj b’anol k’ax xechap pa le aldea La Soledad, rech Sayaxché, are ri’ a Juan De Dios Toj Sis, 38 ujunab’, xuquje’ a Julián Elvidio Juárez Gómez, ri e keb’ ri’ e are kab’ixik xkib’an kamisanik xuquje’ b’anoj taq k’ax ri’. K’o job’ chi ch’aweb’al xuquje’ jun k’aqb’al xriq kuk’ are ri’ xkipis b’i ri q’atb’al tzij rech kakitzukuj uwach pa juntir. E are kawinaqil ri jun molaj b’anol ka’x e tz’apilik pa japache’.
E k’o pa keb’ molaj b’anol k’ax
Eri q’atb’al tzij xkib’ij eri nik’aj winaq xechapik chanim e k’o pa jun chik molaj b’anol k’ax ub’i’ “El Siervo de Dios”, e are kakib’an kamisan winaq, e ajq’axel awan kunab’al xuquje’ k’aqb’alil pa Petén.