Pa 16 rech mayo ri’, eri Viceministra rech Seguridad Claudia Palencia xutzijob’ej ri Taqon Ya’olchajinem 2032 ri’, chi kuwach ri rajchomanelab’ ri Maestría rech Seguridad Nacional rech ri Colegio rech Defensa Nacional rech México, Eugenio Leonardo López xuquje’ chi kuwach rajchomanel ri Ministerio rech ri Defensa Nacional rech Iximulew.
Eri Viceministra Palencia xub’ij e pa runimal ri cholchak ri’ are kub’an ri Sistema Nacional rech Seguridad, pa le ub’antajil ri cholchak Plan rech Desarrollo K’atún 2032, chi’ k’ut uya’om kichuq’ab’ ri q’attaqawokajil rech Amaq’ xuquje’ rech q’atenik ri k’axk’olil. “Eri kaqataqij ub’anim ri’ are rech ya’ik uchuq’ab’ ri Wokajil Ajchail Tinamit (PNC) xuquje’ ri Q’attaqawokaj Japache’ Tz’apib’al (SP). Are wa’ ub’anik ri cholchajinem pa qatinamit pa amaq’il ri’. Chaqataq’ij b’a’ uq’atexik ri b’anoj k’axk’olil xuquje’ ri b’anoj taq xib’inem pa tinamit rech kaqaya uchuq’ab’ ri PNC xuquje’ ri SP ri’ chaqaq’atij b’a’ ri b’anoj elaq’ pa q’attaqawokajil rech k’o kub’al k’u’x chi ke ri winaqil e aj iximulew ri’”, xcha’ le nan nim q’attaqawokajnel.
Eri cholchajinem ri’ are la’ jun reqele’n chak tajin kub’an ri K’amal B’e Amaq’il Bernardo Arévalo xuquje’ rumal ri Ministro rech Gobernación. Pa le upatanem ri’, are k’o nim chajinem winaqil tajin kub’ano. Eri utzijoxik ri eta’mab’al ri’ k’o nim tob’anem kuya chi ke ri e ajno’j tijoxel mexicanos, rumal k’ut kub’an jun nim k’amq’ab’tzij chi kuwach ri keb’ amaq’ib’ nimatinamit ri’ rech pa uq’atexik taq ri molaj b’anol k’ax pa taq amaq’ilal xuquje’ rech uq’atexik taq ri molaj b’anol k’ax chi’.