Eri reqa’lenel ri Departamento rech Tránsito rech ri Wokajil Ajchajil Tinamit (DT-PNC) xkib’an jun puqchajinem tzukunem pa taq nimab’e pa nimatinamit Iximulew, rech xkitaqij kaq’atexik ri carreras clandestinas ri’, rech q’atenik riqon k’ax pa taq nimab’e xuquje’ chajib’al ri winaqil rech k’ot k’ax kakiriq tane’ pa nimab’e pa tinamit.
E chaq’ab’ rech pa viernes kanoq xuquje’ pa nimaq’ab’ rech kamik, sib’alaj xb’an ri chajinem chi rij taq ri Aeropuerto Internacional La Aurora Calzada Atanasio Tzul xuquje’ pa le Betania ri’. Pa le b’anoj chajinem ri’ e k’o 52 chi e’ajkejel ch’ich’ xkoj tojob’al chi kij rumal xkinimaj taq uq’ij utzij ri Taqanem reh Tránsito ruk’ ri retab’alib’al ri’. Ri tojob’al xq’at pa kiwi are rumal man k’ot kiwujil rech b’insal kikejch’ich’ keqam, rumal k’ot ri casco kikojom, jeri’ rumal k’ot uwujil ri b’insal kejch’ich’ keqam, rumal xaq karich’ich’ik uqul kib’inisam, ruk’ nik’aj chik kimak.
Eri Ministro rech Gobernación, Francisco Jiménez sib’alaj xub’ij chi k’o nim upatanib’al kab’an ri puqchajinem q’atenik ri’ rech kaq’atexik kakiriq taq k’ax pa taq nimab’e xuquje’ rech kaq’atexik ri opanriqonem anim chi rij kejach’ich’ pa awalik pa taq nimab’e rech kub’al k’u’x ri b’inisanem pa taq nimab’e pa tinamit.
Rumal ri’ eri reqa’lenel chajin tinamit xkib’an retaxik rilik ri tzam katijim ri e’ajb’insal ch’ich’ rech e q’ab’arel taj kewa’katik. Xuquje’ xkib’an le rilik ri e’ajkejel ch’ich’ rech kakinimaj b’a’ ri retab’alib’al k’utb’e pa taq nimab’e, rech kakirumumij taj ri b’insam ch’ich’ xuquje’ keq’alik rech kakititz’ kib’ chi rij taq ri ch’ich’.
Rumal ri’ eri q’atb’al tzij sib’alaj xkisik’ij ri winaq pa tinamit rech wexa’ k’o ri k’ax ri’ kab’anik, kakib’ij loq pa le 1599 ch’a’wb’alib’al xuquje’ pa le redes socieles ri’. Eri tob’anem chi kuwach ri e’ajchajil tinamit kuk’ ri winaqilal pa tinamit are k’o