Eri tijob’en ib’ tajin kumal e ajeqa’lenel no’jchak rech ri Departamento rech Tránsito rech ri Wokajil Ajchajil tinamit (DT-PNC) chi ke e 700 chi e ajtijonelab’, e’ajq’axal tzijol rech taq q’axeb’al tzijol xuquje’ tz’ijob’enem winaqilal are xtaqixik katijoxik chi rij taq eta’mab’alil xuquje’ chi rij reta’maxik utz taq b’anonem kumal ri e ajtijoxel rech kakik’am ub’anik jun utzalaj no’jk’aslemalil rech nimab’al rech ri Taqanem rech Tránsito ri’ xuquje’ rech kepixb’exik ri winaqilal chi rij upatanib’al kub’an ri kub’al b’anoj wa’katem pa tinamit ri’.
Pa le q’ijol ri’ xtzijob’ex ri K’amal B’e rech Educación Vial ri’ chi ke Ajtijoenlab’ rech ri Nab’e Q’at Tijonem, are jun chakub’al kub’an chi ke ri e ajtijonelab’ rech rachoch taq tijob’al rech Santa Rosa, Escuintla, Chimaltenango, El Progreso xuquje’ Sacatepéquez ri’, ruk’ ri chakub’al rajwaxik rech ketijon chi ke ri kajtijoxel chi rij ri seguridad vial ri’, ri utz katob’anik pa le katijoxik k’a pa kach’ite’nal ri’.
Xuquje’ xutzijox kuk’ ri e ajq’axal tzijol xuquje’ ri ajtz’ijonel pa tinamit chi rij taq upatanib’al ri ub’anik jun utzalaj no’jk’aslemal rech cultura vial pa ronojel rulewal tinamit, ri uchajixik unimaxik kab’an pa taq nimab’e ri’, rech ukojik uchapik b’ixik urajilab’al tzijol ri’ xuquje’ ri upatan kiq’atanik ri q’atb’al tzij rech taq tinamit chi rij seguridad vial ri’. Xuquje’ xb’an utzijoxik ri tzijob’enem rajwaxik chi rij ukojik utzalaj b’anonem ri’ pa taqawokajilal pa tinamit, rech kechap ri ch’ich’ xuquje’ rech kojob’al tojom pwaq we man kakinimaj taj ri Taqanem rech Tránsito xuquje’ ri Retab’alib’al ri’.
Ruk’ cholchak tijonem ri’, are uwach ri b’anob’al cholajisam chik uwach ri kab’an pa le Wuqq’ij rech ri Seguridad Vial 2024 ri’, are taqim ya’ik uchuq’ab’ ub’anik ri cholchak ri’ pa taqawokajilal rech kato’ik ri winaqil kewa’kat pa taq nimab’e pa tinamit xuquje’ rech b’a’ k’o jun utzalaj uq’atexik taq riqon k’ax pa nimab’e pa ronojel uwach rulewal tinamit ri’.