Pawe q’ij kamik xb’an ri nab’e riqonem ib’ rech xnuk’ uwach ri Chomab’al rech Chajinem pa Tinamit 2024. Eri b’anonem ri’ are xk’am ub’e rumal ri Ministro de Gobernación, Francisco Jiménez xuquje’ rumal ri Secretario Técnico rech ri Consejo Nacional rech Seguridad, Ismael Cifuentes. Xuquje’ chi’ xetotab’en wi rajchomanelab’ ri wokajil rech ri q’attaqanem pa tinamit.

Rumal ri’ eri Ministro Jiménez, xub’ij che rajwaxik kab’an utz che ri ub’anob’alil ri taqanem pa tinamit rech chajib’al ri nimatinamit ri’. Rumal ri’ xub’ij che kaqak’amom uwach ri tob’anem rech kanuk’ uwach ri B’anikil Choman Ya’olchajinem pa Tinamit, rumal ri’ Wokajil Ajchajil Tinamit (PNC) rumal ri Dirección General rech Inteligencia Civil (DIGICI).

Eri nim patanel rech ri Consejo ri’ xub’ij eri rayim ub’anik eri chomab’al tinamit ri’ rech yab’al uchuq’ab’ ri uwachtzijonem rech Taqa’amaq’il, rech wokajilal xuquje’ rech wokajil chajin tinamit. Eri rutzilal wari’ are ri ukojik uwach ri kaq’alajisaj ri b’anoj utzilem ri’, rech ke’wa’lijsaj kuwach ri winaqilal xuquje’ rech k’o ya’olchajinem chi ke ri winaqil pa tinamit.

Ruk’ wari’ are taqim ub’anik ucholajil ri chomab’al tinamit winaqilal xuquje’ ri cholchak, ri k’ak’ b’anikil q’atoj tzij, ri reta’mab’alil, ri b’anoj chakunem pa taq wokajilal, ri tijob’enik xuquje’ ri uwi’ katijoxik pa wokajilal ri’, xuquje’ rech kesik’ixik ri winaqil rech e are jun pa le patanem winaqilal pa tinamit.

Ch’ob’otal chik che ri riqon ib’ chomanem are kab’anik pa uwachwuj pa kaqiq’ pa le ik’ petinaq ri’ xuquje’ rech kek’oji ri e ajtijoxel pa julio rech junab’ ri’.