Eri chajinem pa rachoch japache’ are kub’an jun kaq’atexik ri b’anoj taq k’ax pa uxo’l taq nimaja pa tinamit. Are la’ chajinem tajin kumal ri q’atb’al tzij rech ri Ministerio rech Gobernación are utaqim ri chajinem pa rachoch taq japache’ rech katob’anik ri b’anoj taq k’ax ri’ xuquje’ ri e ajb’anol taq ri k’ax.

Are wa’ junam kub’ij ri chak tajin rumal ri Ministro rech Gobernación, Francisco Jiménez, xub’ij k’ut are chi’ xe’uk’ul panoq ri winaqilal xe’opan rech ri Segundo Congreso Regional Penitenciario, Seguridad, Inteligencia xuquje’ Administración ri’ rech xjaqitaj uwach iwir wari’ pawe nimatinamit. Eri jun congreso ri’ are jun chi ke wa’ rech uch’ob’ik rilik ri chak katajin ri’, ri are la’ katob’anik ruk’ ri ub’ixik utzijob’exik chi ke ri winaqila e ajpatan rech taq nik’aj chik nimatinamit xuquje’ ri chak b’anom pa rachoch taq japache’ ri k’o utz taq b’anob’alil kib’anom pa le chajinem pa rachoch japache’.

 “Xaqamaj ub’anik chik ri chajinem ri’ are wa’ uwach ri umajik ri chajinem pa japache’ tz’apib’al ub’i’ “El Infiernito”, pa Escuintla. Eri b’anon chajinem ri’ are kuya uchuq’ab’ rech ukojik ri tob’chakub’al rech katzukuxik ri k’olib’al awan pa taq le xan xuquje’ pa le upam qaj ri japache’.  We chanim k’ut are katajin uk’extajik ronojel rilik ri yakon ja rachoch ri japache’ ri sib’alaj chajitajik”, xcha’ ri nimatat Jiménez.

Eri nimawokaj nuk’chomanem ri’ are ch’ob’om rech kak’isik pa le q’ij miércoles 12 rech junio ri’, ruk’ wari’ eri q’atb’al tzij sib’alaj kakikub’isaj ub’ixik ri chak ilonem kakib’an chi kuwach kuk’ konojel ri wokajil pa b’anon patan ri’. Man xaq ta ri’ kakib’an jun nim tob’an ib’ chi kuwach xuquje’ are la’ pa komon ub’anik ri’ rech kakitaqij ri suk’umalil, rech suk’ub’enik xuquje’ ech kano’jixik ri winaqil e ajpache’ rech kakisuk’umal kib’.