Eri Segundo Congreso Regional rech Seguridad, Inteligencia xuquje’ Administración Penitenciaria ri’, xe’umol ri nuk’tzijonel, e ajchomanelab’ xuquje’ e ajtaqo’ninelab’ rech taq amaq’ib’ nimatinamit ri’, ri xkitzijoj chi kuwach jas uchapik ukojik k’ak’ kemetob’chakub’al rech chajinem, ri cholchak rch suk’ub’anem, xuquje’ ri b’anob’alil tzukunem, ri b’anoj ri komonchak chajinem xuquje’ rech ub’anik utz che ri chakunem pa japache’ tz’apib’al winaq pa kulewal ri jupuq nimatinamit ri’.

Pa le oxib’ q’ij ri’, eri e ajeqa’lenelab’ rech chajinem xuquje’ rech ri japache’ kakiya ub’ixik ri tzukunem kumal, xkiya ub’ixik ri xeta’maxik, xuquje’ xech’ob’on chi rij ri rutzilal b’anom, rech kub’an jun rilik ri chajinem q’ateb’al banom pa le chajinem pa rachoch japache’ tz’apib’al winaq ri’ pa kulewal jupuj nimatinamit. xuquje’ sib’alaj xkiya ub’ixik chi k’o nim upatanib’al ri q’atenem chajinik b’anom kuaml ri wokaj chajinelab’, jacha ri b’anon k’ak’ taqon uwach xuquje’ ruk’ ri uwi nima katijoxik ri wokaj e ajchajinelab’ rech rachoh japache’ tz’apib’al winaq pa uwach nimatinamit ri’ jacha pa nik’aj chik nimatinamit pa uwachulew.

Eri Ministro rech Gobernación, Francisco Jiménez, sib’alaj xub’an utzijob’exik chi k’o nim upatani’al ri jun b’anoj k’ak’ taqonem pa Wokajil Japache’ Tz’apib’al Winaq ri’ (SP) pa majib’al tzij xub’an pa qajib’al uwach ri nimatzijonem nuk’chomab’alil ri’, are chi’ xub’ij chi k’o nim upatanib’al kak’am uwach pa ka’mulil ri’ ri utz k’ak’ taqanem chajinik kab’an pa rachoch taq japache’ tz’apib’al ri’ xuquje’ ri q’atenik taq b’anoj toq’inik pwaq kumal elaq’omab’ xuquje’ ruk’ nik’aj chik b’anoj k’ax pa rachoch taq ri tz’apib’al winaq ri’. Xuquje’, eri nim taqawokajnel xub’ij che ri are wa’ k’o nim ukiy upatan ub’anik rech kuk’ex rilik uwach ri chajinem kab’an pa taq rachoch ri japache’ tz’apib’al pa tinamit.

Rumal k’u ri’ eri Viceministra rech Seguridad, Claudia Palencia, xub’an jun nuk’chomab’al tzij chi rij ri uchuq’ab’ ri b’anoj k’ax tajin kumal ri pandillas pa le Triángulo Norte rech Centroamérica, ri xub’ij che are la’ jun nimachak tajin rumal ri Q’at Taqawokaj Amaq’ Iximulew xuquje’ rumal ri Taqawokajnem rech ri Ya’olchajinem pa Amaq’, eri yab’al uchuq’ab’ ri b’anoj chajinem pa rachoch japache’ tz’apib’al winaq, are rech kaq’atexik kuwach ri molaj b’anol k’ax rech kakikoj ta chik ri ak’alab’ kuk’.

Are jun xopan b’a, ri K’amal Ub’e Rachoch Japache’ SP, a Sergio Vela, ri K’amal Ub’e ri K’ak’ Wokaj Taqanem Chajinik rech Japache’ Tz’apib’a, a Juan Carlos Corzo, ri Ukab’ Tob’anel K’amal Ub’e Japache’ SP, a Cristian López Morales, ri Secretario rech ri Secretaría rech Bienestar Social (SBS), a Marvin Rabanales, ri Subsecretario rech Reinserción rech ri SBS, a Carlos Menchú, ruk’ nik’aj chik ajpatanelab’ rech Iximulew. Xuquje’ e are jun xek’oji ri rajtaqo’ninelab’ taq ri amaq’ib’ nimatinamit rech Argentina, Brasil, Chile, Costa Rica, Ecuador, Honduras, Panamá, Paraguay, Venezuela xuquje’ ri  Estados Unidos rech América ri’.