Eri Nimalaj Riqonem Post-Operacional Regional “Diamante IX” rech kaq’atexik ri ajnarcotráfico ri’ xe’umol rajtaqo’ninel ri Subcomisión Técnica Antinarcóticos (SCTAN) rech ri Comisión rech Jefes xuquje’ e Ajk’amal B’e rech e Ajchajinel rech Centroamérica, México, El Caribe xuquje’ Colombia ri’. Pa le nimariqon ib’ ri’ xb’an wi retaxik ri chak b’anom chik k’a pawe q’ij kamik, eri uch’ob’ik ri xb’an wiri’ are la’ rajwaxik kasuk’ub’ax uwach xuquje’ ri b’anoj ucholchakuxik ri Operación Regional “Diamante X”, ri ch’ob’om chik kab’an pa 2025 pa rulewal qatinamit.
Eri Viceministro rech Antinarcóticos, Werner Ovalle, sib’alaj xuya ub’ixik chewe b’anob’alil rech tzijolinem ri’, pa komon ub’anik rech kaq’ansax ri uk’ub’alil, rech katzijoxk ri oxib’ runimal uwach rech ukowoxik ub’anik xuquje’ rech katerne’x pa komonchak ri uq’atexik taq ri narcotráfico ri’. Rumal k’ut xub’ij che ri molaj b’anol k’ax k’ax taj kakiya ub’ixik chi kuwach xuxquje’ rech keb’e pa jun chik kik’olib’alil, are wa’ rajwaxik katoq’axik ya’ik uchuq’ab’ pa taq ri tinamit rech kaq’atataj kuwach ri’.
Xuquje’ eri taqawokajnel ri’ xub’ij che qas utz b’a’ uq’atexik ri awan kunab’al ri’ pa le kulewal taq tinamit, rech kakub’isax kachajixik ri winaqilal rumal ri jun k’ask’olil ri’. Xuquje’ xub’ij che ri jupuq nimatinamit ri’ kekowonik kakito’o kib’ rech uq’atexik pa taq ri nimatinamit, pa le uchomaxik pa le b’anoj riqon ib’ rech choman ri ya’olchajinem ri’.
Eri Taqanel rech ri Oficina Regional rech ri Interpol rech América Central, Walter Lazo, xub’ij che pawe riqb’al ib’ ri’ chi’ xchomax wi le b’anoj komonchak tob’anik ri qas utz ri’ pa le uq’atexik ri narcoactividad ri’ ruk’ nik’aj chik b’anoj k’ax.
Xuquje’ xub’ij eri b’anoj utzijob’elil ruk’ ri chak b’anom, are la’ kuya’o uchuq’ab’ ri komon tob’anem ri’, jeri’ kuya uchuq’ab’ ri b’anon komonchak pa kulewal taq ri amaq’ib’.
“Eri komon tobanem kumal ri nimatinamit pa uwachulew are k’o nim upatanib’al rech kaq’atexik taq ri molaj b’anoj k’ax ruk’ ri awan kunab’al, rumal ri’ sib’alaj kaqamaltyoxij rumal ri chak ri tob’anem ya’om loq, juntir qamolom qib’ k’o nim qachuq’ab’, rajwaxik kow b’a’ kujtak’al b’a’, ri k’amal qab’e eri taqil chajinem qawinaqil ri’ xuquje’ kaqakub’isaj b’a’ ri qaq’ij pa chuwe’q kab’ij xuquje’ rech maj jun ilon awan kunab’al pa taq qak’olib’alil” xcha’ ri Taqanel rech ri Interpol, a Lazo.
Chi’ xtatab’en wi ri Secretario Técnico rech ri Subdirección General rech Análisis rech Información Antinarcótica (SGAIA) rech ri Wokaj Chajil Tinamit (PNC), a Carlos Mendoza Solís; ri rajtaqanel ri Oficina Central Nacional (OCN) INTERPOL Guatemala, a Ovidio Pérez; ri Comandante rech ri Unidad Antinarcótica rech ri Departamento rech Chajinel Tinamit rech Belice xuquje’ ri Coordinador rech ri SCTAN, a Francis Williams; ri Comisionado General a Jardiel Gutiérrez, Taqanel rech ri Dirección Antinarcóticos rech ri Wokaj Chajin Tinamit rch Nicaragua, xuquje’ ri rajk’amal kib’e ri wokaj chajin taq nimatinamit ri xek’oji chi’.