Pa le Escuela Centroamericana rech Entrenamiento Canino (ECEC), k’o pa Barberena, Santa Rosa, ri xb’an kigraduación rech ri Vigésimo Quinto Curso rech Especialización rech Comando rech Operaciones Antinarcótica (COAN), are b’anonem xuk’am ub’e rumal ri Viceministro rech Antinarcóticos, Werner Ovalle, ri K’amal B’e rech ri Wokaj Chajin Tinamit (PNC) David Custodio Boteo xuquje’ ri rajtaqo’ninelab’ ri Embajada rech ri Estados Unidos rech América, en Iximulew ri’.
Pa le b’anonem ri’ xopan wi ri subdirector Antinarcótico, Wilber Arreaga Del Cid xuquje’ xe’opan ri kalaxik kachalal ri k’ak’ reqa’lenelab’ ri COAN ri0. Eri Viceministro Ovalle, xub’ij eri cholchakunik antinarcótico ri’ are la’ jun runimal ri chak tajin kumal ri q’atb’al tzij rech ri Taqawokajnem rech Ya’olchajinem pa Amaq’.
“Kaqaterne’j wa’ uchakuxik ri’ cholchak rech antinarcótico kuk’ achijab’ xuquje’ ixoqib’ ri k’o nim katijojb’al ri’.” Eri Ovalle xub’ij che pa le nab’e taq ik’ ri’ riqom chik 8 mil kilos upajb’alil cocaína, are wa’ jun upatanib’al chak b’anom kumal e ajchajil tinamit winaqilal.
Eri Director General rech ri PNC, David Custodio Boteo, xkub’isaj ub’ixik che ri k’ak’ reqa’lenel ri COAN sib’alaj xkitijoj kib’ chi rij taq utz b’anob’alil xuquje’ ri utz taq ch’ob’oj no’jk’aslemal jcha ri nimab’al, ri loq’ab’an ib’ xuquje’ ri nimantzij. “Eri keqele’nem ri e k’ak’ e ajeqa’lenel kakimaj b’i, ri nim kchak kilonem rech ub’anik jun utz jikom Iximulew ri’”.
Eri Subdirector Arreaga Del Cid, kamik xub’ij e k’o julajuj ixoqib’ xuquje’ e 68 chi achiijab’ xkik’is katijoxik kib’ pa le tijonem rech kajk’al lajuj q’ij rech xnajtib’. Eri tijojnik sib’alaj toq’am ub’anik ri’.
Xe’ok’ow pa k’ak’ taq tijowchuq’ab’ ukojik ri kemechakub’al rech uq’atexik ri narcotráfico, rumal ri’, eri chakunem are la’ rech kub’an utzilem chi ke ri winaqilal e aj iximulew. “Chi ke ri e 149 k’ak’ e ajchajinel xe’okik, e 59 xkik’iso ri tijojnem COAN ri’. Ri xe’ok pa jalajoj taq b’anon eta’manem kub’an ri wokaj ri’, rech kuk’ub’isaj ri chajinem pa tinamit”, xcha’ ri Arreaga.