Eri duodécima edición rech ri opanriqonem 5K “Yo Vivo Sin Drogas” ri kab’an paq’ij domingo 23 rech junio pa le nimatinamit rech Iximulew. Are kamajtaj b’i pa wuqub’ (7:00) kajb’al rech aq’ab’il pa le Parque Erick Barrondo, zona 7, xuquje’ rech kopan pa le Dirección General rech ri Wokajil Ajchajil Tinamit (PNC), k’o pa le 10a calle 13-92, zona 1 uk’u’x nimatinamit.
Eri e ajtijow anim ri’ k’o job’ kilómetros raqan kib’e kakib’ano. Eri kek’oji pa le tijow anim ri’ are wa’ kuwaq:
*Ak’alab’: taq alal taq ali k’a pa kab’lajuj kijunab’.
*E q’apojil: ab’om xuquje’ alitom k’o oxlajuj pa wajxaqlajuj kijunab’.
*Ab’om Alitom jachin kakaj: k’o kab’lajuj pa kak’al kijunab’.
*Ri’j winaq: Achijab’ Ixoqib’ k’o kak’al jun pa kak’al lajuj kijunab’.
*Ajeta’manel: k’o chik kak’al julajuj kijunab’.
*Ri k’ax pa kalaxik: konojel jachin kakaj kek’oji pa le opanriqonem ri’.
Chi kijujunal ri e opanriqonel ri’ ke’opan b’a’ che uk’amik ri kijastaq rech opanriqonem, jcha ri playe’r, kigorra, rajilab’al rech wakik’u’x ruk’ nik’aj chik kijastaq rajwaxik kakikoj pa le tijow opanriqonem ri’, ri kajach chi ke kumal ri wokaj ajchajil tinait pa le 19 calle 18-17, Proyectos 4-4, zona 6 pa uk’u’x nimatinamit.
Jachin kakaj kakimo ri kech, ke’opan b’a’ kakitz’ib’aj kib’ kakesaj rachib’al ri QR k’o pa le utzijolixik ri opanriqonem ri’ pa le enlace ri’:
Eri unimaq’ij ri choletz’anem ri’, are b’anom rumal ri Subdirección General rech Prevención rech ri Delito (SGPD) rech ri PNC, are jun nimaq’ij kab’an chi jujun taq junab’, maj tojom taj xuquje’ rech konojel jachin kakaj e are jun ri’. Eri rajwaxik utaqim ub’anik ri’ are kuwa’lijsaj jun utzilaj jikom uwach k’aslemalil xuquje’ ri maj wi tijow awan kunab’al kumal ri winaqilal, jeir’ rech ya’ik uchuq’ab’ ri wokaj chajin tinamit xuquje’ ri winaqil e aj iximulew.