E k’o 42 mil chi reqa’lenel ri Wokajil Chajin Tinamit (PNC) sib’alaj che kato’ik pa aninaqil ri winaqil ri xkiriq k’ax rumal ri kaqiq’ nimajab’ pa rulewal taq tinamit. Chanim k’ut sib’alaj ketajin che uterne’xik rilik ri k’axk’onem xuquje’ ketajin che kik’amik b’i ri winaq pa taq k’olib’alil kub’sib’al, sib’alaj tajin kakilo kakito’o ri winaqilal.
Pa Palín, Escuintla ri’, ei wokaj chajin tinamit xetob’anik rech xkesaj pa k’ax e juk’al wuqub’ chi winaqil ri’ rech xkesaj loq pa le asentamiento Ebenezer k’a pa le rachoch tijojb’al k’o pa le zona 2 rech pa uq’ab’ tinamit ri’, chi la’ k’ut xb’an wi jun nimaja rech xemol wi pa aninaqil ri winaqil xkiriq k’ax rumal ri nimajab’, ri xya kitzijob’el pa jun Alerta Amarilla pa le rulewal tinamit.
Xuquje’ eri reqa’lenel ri PNC kuk’ rajchak taq wokajil rech xkinab’ejsaj kato’ik ri winaqil rech Ayutla, San Marcos, ri xkik’am b’i saq ja’/joron pa taq k’olib’alil pa taq kik’olib’alil ri winaqilal che ri xetulaj ri k’awa’ rumal taq ri kaqiq’ nimajab’ chi la’ k’ut.
Eri wokaj chajin tinamit sib’alaj xkitoq’ij kq’axexik ri ch’ich’ pa taq ri nimab’e che ri keb’e pa Santa Catarina Palopó xuquje’ San Pedro La Laguna, Tz’oloja’; jeri’ pa le kilómetro 173 nimab’e Interamericana, pa juyub’al rech Chuwi’meq’ina’; xuquje’ pa le kilómetro 243, pa juyub’al rech San Martín Sacatepéquez, chi la’ ri xub’an wi ri k’ax ri nimajab’, ri xtzaq wi loq ri ulew, ri xub’an wi ul, ri xetzaq wi ri che’ ri’.
Chi la’ k’ut xb’an wi resaxik ri tz’ilol pa komonchak kuk’ ri q’atb’al tzij rech xkesaj ri juyub’ tzaqinaq loq, ri ab’aj xuquje’ ri che’ e tzaqinaq loq chi la’, rech xmaj kib’e ri ch’ich’ pa taq nimab’e rech ri rulewal qatinamit. Ronojel ri b’anoj nimachak kumal ri wokajilal kuwach ri Sistema CONRED rech sib’alaj xkito’o ri kik’aslemalil ri winaqilal pa taq ri nimajab’ 2024.