Pa konoejl e k’o kak’al b’elejlajuj reqa’lenelab’ ri Dirección General rech ri Sistema Penitenciario (DGSP) sib’alaj utz uk’isik xkib’an ri tijonem chke pa le cursos Intensivo rech Operaciones Penitenciarias (CIOP) xuquje’ Profesionalización chke Agentes Penitenciarios ri e k’o pa Keqele’n ri Guardalmacén. Eri tijonem ri’ are xb’an kumal ri rajeqa’lenel tijonik pa le Escuela rech Estudios Penitenciarios (EEP), k’o pa Fraijanes, Iximulew ri’, rech katob’an che uya’ik uchuq’ab’ ri b’anoj chajinem pa rachoch taq japache’ xuquje’ rech kak’ex uwach ri taqanem chi’.
Pa le b’anoj tijonem are xb’an ya’ik uchuq’ab’ ri tijonik chke e oxk’al chi ajchajinelab’ rech ri Grupo Élite rech Requisas xuquje’ Traslados rech ri SP, rech kayutik kaq’ab’, rech ke’aq’ansaxik rech kek’am b’i pa taq ri ch’ich’, jeri’ rech kasuk’ub’ex ri k’aqb’alil kamisab’al, ruk’ nik’aj chik b’anonem rech pa b’anik utzilem che ri atz’iyaqb’al ri’ rech pa aninaqil kesuk’b’exik xuquje’ rech utz ukojik pa rachoch japache’ tz’apib’al winaq.
Xuquje’ konojel ri e juk’al b’elejlajuj reqa’lenel ri japache’ ri’ rech ke’ok che guardalmacén pa rachoch japache’ pa rulewal tinamit ri xkich’ob’ k’ak’ eta’mab’al rech utz ri chajinem kakib’an pa taq uk’olib’alil jastaqil ri’. Rech xkich’ob’ ukojik k’ak’ taq k’aqb’alil, rech utz ukojik kakib’ano, rech saq kakikojo, rech kakusuk’umaj ri’ xuquje’ rech ukolik kakib’an ri k’aqb’alil rech ri Sistema Penitenciario (SP) ri’. Eri uwujilal ri tijonem ri’ are ya’tal rumal ri Instituto Nacional rech Estudios Estratégicos rech Seguridad (INEES) ri’.
Eri eta’manem ri’ are uwach ri ub’e’al tijonem rumal ri Wokaj K’amal b’e rech Iximulew pa reqa’lenik ri Ministerio rech Gobernación (Mingob) rech uk’exik uwach, rech k’ak’ uwach xuuje’ rech k’ak’ uwach ri Sistema Penitenciario ri’, rech k’ak’ uwach ri tijonem chke rajchajinelab’ ri SP, rech k’ak’ b’anon taqanem chi’, xuquje’ rech k’ak’ kek’oji wi kejaqab’ wi ri winaq e tz’apilik pa qatinamit.