Pa le nimaja rech ri Wokajil Ajchajil Tinamit (PNC) xjiya wi ub’ixik ri chajinem pa tinamit chi uwach ri K’amal B’e Amaq’, Bernardo Arévalo, rumal ri Ministro rech Gobernación, Francisco Jiménez ruk’ Rajk’amal B’e rech ri PNC, David Custodio Boteo.
E are jun xe’oji pa le nim riqob’al ib’ ri viceministros rech ri Mingob, ri rajtaqanelab’ ri wokaj chajil tinamit ri’.
Eri k’amal b’e Bernardo Arévalo, arech chi’ xutzijon xub’ij k’ut eri PNC are k’o nim upatanib’al pa tinamit. “Eri PNC eri upatan xkoj ri’ rech kuchajij uwach k’ak’ tinamit winaqil, rech k’ak’ chomab’alil rech ya’el joremal jikomal pa tinamit.
Eri Arévalo sib’alaj xub’ij eri PNC are rech kunimaj ri winaqil tinamit, pa runimaxik ri taqanem xuquje’ ri Q’at Taqanem pa Amaq’. Rumal ri’, k’o nim uptanib’al kaloq’axik kichak ri ajchajil tinamit rech k’o ri kachoch kek’oji wiri’ ruk’ jun nimaja rech kekunax wiri’ kuk’ rajchak rajwaxik ri’, xcha’.
Rumal ri’, eri taqanel Ya’olchajinem pa Amaq’, Francisco Jiménez, xub’ij rumal ri’ k’o nim upatanib’al kuril ri chak kub’an ri PNC, ri utz kib’anom rech uq’atexik ri b’anoj k’ax ri e ajb’anol elaq’ kamisanik.
Eri Jiménez xub’ij eri q’atenik awan kunab’al ri’ xuquje’ ri toq’inik pwaq, xuya pa retal rech xechapik e 800 chi e ajtoq’inel pwaq ri’.
Ri chakum ri’
Eri K’amal B’e rech ri PNC, David Custodio Boteo, xub’ij k’o nim kchuq’ab’ kik’amom pa le kanimaxik chajixik ri winaqilal. K’o nim upatan ub’anom ri tob’anem ya’om loq kumal ri winaqilal rech kakijach wari’, xcha’.
“Pa le kachakum ri’ are kitaqik ri e ajchajil tinamit, e k’o xya kiwujil rech xk’is jun uwach kijoxik, e k’o xkitijoj kib’ rech b’inisam xik’ach’ich’ nik’aj chik rech ajeqa’lenel tzukno’jchak, nik’aj chik rech q’atenik toq’inem pwaq. Eri b’anoj chak ri’ are nim upatan b’anom kumal ri PNC pa le Q’at Taqanem ri’,” xcha’ ri Boteo.
Xuquje’ xub’ij chi k’o k’ak’ taq ub’anikil kemtz’ib’ uwachwuj xkojik rech kachajixik ri winaqil ruk’ uchuq’ab’ xuk’am ri b’iw b’ixik kumal ri winaq.
Xuquje’ xuya ub’ixik che ri cholb’otal chak rech yakon k’ak’ rachoch e ajchajil tinamit pa Mongjas, Jalapa, xuquje’ pa Bárcenas, pa Villa Nueva; ruk’ ri rech Antinarcóticos pa Zacapa ruk’ rech Investigación Criminal, pa Cobán, Alta Verapaz.